विराटनगर, जेठ ८–विराटनगरमा दुईभाइ छोरा मिलेर आफ्नै बृद्ध बाबुलाई अमानविय ढंगले हत्या गरेका छन् । हत्यापछि उनीहरुले शवलाई घरकै कोठामा खाडल खनेर पुरिदिएका थिए । विराटनगर–१४ झटियाहीका २९ वर्षीय रोहित र २६ वषर््ीाय नागेन्द्र चौहानले आफ्नै बाबुलाई कोदालो प्रहारबाट हत्या गरि कोठामै गाडेको घटना सार्वजनिक भएको छ ।

सामान्य विवादपछि उनिहरुले आफ्ना ६९ वर्षीय बाबु सत्यराम भनिने सिताराम चौहानलाई गएको जेठ ३ गते हत्या गरेको जिल्ला प्रहरी कार्यालय मोरङले जनाएको छ । सामान्य विवादमा बाबुको हत्या गरेका अभियुक्तहरुले घरकै खाटमुनि खाडल खनेर शव पुरेका थिए ।

सूचनाको आधारमा पुगेको प्रहरीले बुधबार साँझ घरको कोठामा रहेको खाटमुनिबाट झण्डै ४ फिट गहिरो खाडलबाट मृतकको शव निकालेको थियो । मृतकका माइला छोरा र बुहारीकै सूचनाको आधारमा पुगेको प्रहरीले शव बरामद भएसँगै मृतकका दुई भाई छोराहरु रोहित र नागेन्द्रलाई नियन्त्रणमा लिएर अनुसन्धान सुरु गरेको थियो ।

बुधबार साँझ शव भेटिएको घटनालाई मोरङ प्रहरीले २४ घन्टा नबित्दै निष्कर्षमा पु¥याएको जिल्ला प्रहरी कार्यालय मोरङ प्रमुख प्रहरी उपरिक्षक विश्व अधिकारीले बिहिबार दिउँसो स्काईपबाट आयोजित पत्रकार सम्मेलनमा जानकारी दिए । ‘मृतक सीताराम र उनका जेठा छोरा रोहित सँगसँगै बस्दै आएको तथा माइला छोरा विराटनगरको भट्ठी मोडमा परिवारसहित बस्दै आएको पाइएको छ ।

यसअघि ठेला चलाएर जिवीकोपार्जन गर्दै आएका मृतक सीताराम लकडाउनयता छोराहरुबाटै खर्चबर्च लिएर दैनिकी धानिरहेको प्रारम्भिक अनुसन्धानबाट खुलेको छ ।’ प्रहरी उपरिक्षक अधिकारीले भने,‘जेठ ३ गते मादक पदार्थ सेवन गरेर विराटनगर–१४ स्थित घर गएका दुई भाइले बाबुले पैसा माग्दा भएको विवादपछि राति ९ बजेतिर कोदालो प्रहार गरी हत्या गरेको खुलेको छ ।’

उनीहरुले हत्या गरेको भोलिपल्ट मात्र दुइभाईले कोठामै खाडल खनेर शव पुरेको पाइएको छ । जुन शव प्रहरीले ७ गते साँझ मात्र बरामद गरेको थियो । अभियुक्तमध्ये मृतकका जेठा छोरा रोहित लागूऔषधको दुब्र्यसनीसमेत रहेको जनाइएको छ ।

जेठा छोरा केही काम नगर्ने दुब्र्यसनी तथा माइलो छोराले समेत अन्तरजातीय विवाह गरेका कारण बाबु र छोराहरुबीच यसअघिदेखि नै सम्बन्धमा कटुता रहँदै आएको बताइएको छ । मृतकका तीन भाइ छोराहरुमध्ये कान्छा छोरा ५ वर्षअघिबाटै सम्पर्कविहीन रहेको तथा श्रीमतीको समेत केही वर्षअघि निधन भइसकेको जनाइएको छ ।