पछिल्लो २४ घण्टामा प्रदेश १ मा ६२५ जना डिस्चार्ज, २३१ संक्रमित थपिए - News Birat

पछिल्लो २४ घण्टामा प्रदेश १ मा ६२५ जना डिस्चार्ज, २३१ संक्रमित थपिए

न्यूज विराट

विराटनगर, २९ कात्तिक–प्रदेश १ मा शनिबार एकैदिन कोरोना संक्रमण मुक्त भएर छ सय २५ जना डिस्चार्ज भएका छन् । होमआईसोलेसनबाट ६ सय २२ र न्युरो अस्पताल विराटनगरबाट तीन जना डिस्चार्ज भएका हुन । प्रदेश १ मा हालसम्म डिस्चार्ज हुनेको संख्या १७ हजार सात सय ७८ पुगेको छ ।

प्रदेश १ मा शनिबार दुई सय ३१ जना कोरोना संक्रमित थपिएका छन् । झापामा एक सय, मोरङमा ८६, सुनसरीमा ३३, इलाममा तीन, तेह्रथुममा दुई, उदयपुरमा एक र प्रदेश १ बाहिरका तीन जना रहेको सामाजिक विकास मन्त्रालयले जनाएको छ ।

झापाको दमकमा ४६, कनकाईमा १८, झापा गाउँपालिकामा ११, विर्तामोडमा १०, भद्रपुरमा सात, मेचीनगरमा चार, हल्दिबारीमा दुई, बुद्धशान्ति, बाह्रदशी, गौरादह, अर्जुनधारा र कमल गाउँपालिकामा एक÷एक, मोरङको विराटनगरमा ६३, रतुवामाईमा छ, कटहरीमा चार, रंगेलीमा ३, उर्लाबारीमा २, ग्रामथान, बेलबारी, मिक्लाजुङ, सुन्दरहरैचामा एक÷एक, र स्थानीय तह नखुलेका चार जनाको रिपोर्ट पोजिटिभ आएको छ ।

सुनसरीको धरानमा २२, इटहरीमा छ, बराहक्षेत्र, इनरुवा र कोशी गाउँपालिकामा एक÷एक, र स्थानीय तह नखुलेका दुई जनाको रिपोर्ट पोजिटिभ आएको सामाजिक विकास मन्त्रालयले जनाएको छ । उता इलामको चुलाचुलीमा दुई, इलाममा एक, तेह्रथुमको म्याङलुङमा दुई, उदयपुरको त्रियुगामा एक र प्रदेश १ बाहिरका तीन जनामा संक्रमण देखिएको छ । योसँगै प्रदेश १ मा कोरोना संक्रमितको संख्या २३ हजार छ सय ६५ पुगेको छ ।

प्रदेश १ मा शनिबार सात सय २५ जनाको पीसीआर परीक्षण गरिएको छ । परीक्षण गरिएका मध्ये एक सय ५ महिला र एक सय २६ पुरुषको रिपोर्ट पोजिटिभ आएको हो । हालसम्म १ लाख ७८ हजार ७९ जनाको पीसीआर परीक्षण गरिएको सामाजिक विकास मन्त्रालयले जनाएको छ । प्रदेश १ मा शनिबारसम्म दुई सय ८० जनाको मृत्यु भएको छ । जसमध्ये २३ जना प्रदेश १ बाहिरका रहेको सामाजिक विकास मन्त्रालयले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles