प्रदेश २ लागि थप ४ पीसीआर मेसिन खरिद गर्ने निर्णय - News Birat

प्रदेश २ लागि थप ४ पीसीआर मेसिन खरिद गर्ने निर्णय

न्यूज विराट

जनकपुरधाम, २६ जेठ-प्रदेश २ सरकारले थप ४ वटा कोरोना परीक्षण गर्न पीसीआर मेसिन खरिद गर्ने निर्णय गरेको छ । कोरोना महामारी नियन्त्रणका लागि प्रदेश २ का मुख्यमन्त्री लालबाबु राउत नेतृत्वको निर्देशक समितिको आजको बैठकले थप ४ पीसीआर मेसिन खरिद गर्ने निर्णय गरको हो ।

मेसिन सञ्चालनमा रहेको जनकपुरधाम, वीरगञ्ज र राजविराजको ल्याबमा १/१ र रौतटहको गौर अस्पतालमा नयाँ ल्याब सेटअप गर्ने गरी ४ वटा पीसीआर मेसिन खरिद गर्ने निर्णय गरेको बताइएको छ ।

त्यस्तै, समितिले प्रदेशमा कोरोना परीक्षणलाई तीव्रतादिन थप ५० हजार भिटिएम खरिद गर्ने निर्णय गरेको छ । परीक्षणमा प्रयोग हुने रिएजेन्ट लगायतका सामग्री समेत खरिद गर्न पनि समितिले समाजिक विकास मन्त्रालयलाई निर्देशन दिएको छ ।

प्रदेश २ मा पछिल्लो २४ घण्टामा १ सय ७४ जना व्यक्तिमा कोरोना संक्रमण पुष्टि भएको छ । जसमा ७ महिला र १ सय ६७ जना पुरुष रहेका छन् । यो सँगै प्रदेश २ मा संक्रमितको संख्या १ हजार ३ सय २३ पुगेको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles