सरकारले पार्टी फुटाउनको लागि सहज हुने गरी अध्यायदेश लिएको छ । केन्द्रीय समिति वा संसदीय दलमा ४० प्रतिशत सदस्य भए पार्टी फुटाउन सक्ने गरी अघि सारिएको अध्यायदेश सोमबार मन्त्रिपरिषद् बैठकले पारित गरेको एक मन्त्रीले बताएका छन् ।

मन्त्रिपरिषद् बैठक सकिएसँगै पूर्वमाओवादी मन्त्रीहरूले भेलासमेत गरेका थिए । माओवादी मन्त्रीहरूले भेलाबाट गरेको निर्णयसहित केही मन्त्री पार्टी अध्यक्ष पुष्पकमल दाहाल प्रचण्ड निवास पुगेका छन् । त्यसअघि प्रधानमन्त्री ओलीले गृह मन्त्री रामबहादुर थापासँग छुट्टै छलफल गरेका थिए ।

केही दिनदेखि पूर्वएमाले र पूर्वमाओवादीबीच टसन बढ्दै गएको छ । यसैबीच केही दिन अघि कोरोना रोकथाम तथा नियन्त्रणका सम्बन्धमा पार्टीका कार्यकारी अध्यक्ष प्रचण्डले उच्चस्तरीय राजनीतिक संयन्त्र समितिको प्रस्ताव गरेका थिए । जसमा प्रधानमन्त्री ओलीसहित तत्कालीन एमालले रुष्ट रहेका थिए ।

सरकारमा पूर्वमाओवादिको तर्फबाट गृहमन्त्री रामबहादुर थापा, ऊर्जा जलस्रोत तथा सिँचाइ मन्त्री वर्षमान पुन, खाने पामानी मन्त्री विना मगर, शिक्षामन्त्री गरिराजमणि पोखरेल, खलकुद मन्त्री जगत विश्‍वकर्मा, उद्योग वाणिज्य तथा आपूर्तिमन्त्री लेखराज भट्ट रहेका छन् ।