विराटनगर । आकर्षक तलब र सेवा सुविधा दिने भन्दै दलालको फन्दामा परी भारत लैजान लागेको तीन जना किशोरीको उद्धार गरिएको छ । प्रहरी र साना हात नामक संस्थाले नेपाल –भारत सीमा क्षेत्रबाट तीन जना किशोरीको उद्धार गरेको हो ।

रुकुम पश्चिमका दुई जना र सल्यानका एक जना किशोरी विराटनगरको २ नम्बर डाटबाट उद्धार गरिएको छ । उनीहरूलाई भारतमा ८० हजार देखि १ लाख रुपैयाँसम्म कमाइ हुने प्रोलोभनमा पारी गिरोहले भारत लैजान लागेका थिए । उनीहरुलाई साथ लिएर जाने सुनसरीको इटहरी ३ का ४७ वर्षीया कमल प्रसाद भट्टराईलाई प्रहरीले पक्राउ गरेको छ । पक्राउ पर्ने सहयोगी रहेको बुझिएको छ । ती किशोरीहरुलाई भारत लैजाने मुख्य गिरोह फरार छन् । उनको पनि खोजी कार्य प्रहरीले तिव्र बनाएको छ ।
‘भारतको ब्याङलोरमा काम गर्दा राम्रो पैसाँ र सेवा सुविधा पनि हुने भन्दै रुकुम पश्चिममा किशोरीहरुलाई विराटनगर बोलाएका रहेछन् ।

उनीहरुको भेट केही दिन अगाडी विराटनगरमा लागेको महोत्सवमा भेटिएको रहेछ । तेही महोत्सवमा दलाल र ती किशोरीहरुको भेट भएको छ । मासिक ८० देखि १ लाख रुपैयाँसम्म कमाइ हुने भनेपछि किशोरीहरू पनि मख्ख पारी दलालमार्फत भारत लैजान लागेको खुलेको छ,’ मोरङ प्रहरीका प्रवक्ता डिएपी रन्जन कुमार दाहालले भने ।

पक्राउ परेका भट्टराईलाई प्रहरीले मानव बेचबिखन तथा ओसार–पोसार मुद्दामा शुक्रबार म्याद थप गरी अनुसन्धान सुरु गरेको प्रहरीले जनाएको छ ।