पोखरा, २१ असार-बागलुङमा क्वारेन्टाइनमा बसेका एक युवाको मृत्यु भएको छ । बागलुङस्थित ढोरपाटन नगरपालिका–४ को क्वारेन्टाइनमा बसेका युवाको मृत्यु भएको हो ।

निसिखोला गाउँपालिका–२ देविस्थान घर भएका २९ वर्षका युवा फोक्सोमा समस्या देखिएपछि भारतबाट उचपार गरी फर्किएर क्वारेन्टनइनमा बसेको थिए । शनिवार राति १२ बजे क्वारेन्टाइनमै उनको मृत्यु भएको जिल्ला प्रहरी कार्यलय बागलुङले जनाएको छ ।

युवालाई पहिला उत्तरगंगा माबिको क्वारेन्टाइनमा राखिएकोमा स्वास्थ्य अवस्था बिग्रिएपछि घर पठाइएको थियो । तर, वडा कार्यालयले युवालाई घर पठाएको सूचना पाएपछि फेरि खुंगाकै विद्यालयमा बनाइएको क्वारेन्टाइनमा सारिएको थियो ।

मृत्यु भएका युवाको अहिलेसम्म पीसीआर रिपोर्ट नआएको वडा अध्यक्ष तिलक पुनले बताए । ती युवाको घरमा बस्ने वातावरण नभएको भन्दै ससुराली रहेको ढोरपाटन नगरपालिका वडा–४ पठाइएको थियो ।

युवकको स्वाब संकलन गरेर परीक्षणका लागि पोखरास्थित स्वास्थ्य विज्ञान प्रतिष्ठानमा पठाइएको छ । उनको घर परिवारका अन्य ३ जनाको रिपोर्ट भने नेगेटिभ आएको छ ।