घरमै राहतले दैनिक ज्यादारी काम गर्ने विपन्न परिवारमा खुशि

 न्यूज विराट
घरमै राहतले दैनिक ज्यादारी काम गर्ने विपन्न परिवारमा खुशि

विराटनगर, चैत २८–प्रतिकूल अवस्थामा पनि स्थानीय सरकारले विपन्न परिवारहरुलाई राहत वितरण अभियान चलाएपछि मोरङको कटहरी गाउँपालिका–६ मा खुसी छाएको छ । कटहरी गाउँपालिका–६ नं. वडाले लकडाउनको अवधि थपिएपछि सो क्षेत्रमा दैनिक ज्यालादारीमा काम गर्ने यस्ता १ हजार ३ सय ९५ परिवारलाई राहत वितरण गरेको हो ।

लक डाउनका कारण आफ्ना वडाका जनतालाई भोकमरीको अवस्था आउन नदिन पहिलो चरणमा एक हप्तालाई पुग्ने राहत वितरण गरिएको वडाध्यक्ष पृथ्वीलाल सरदारले बताए । ‘दलित समुदायको बाहुल्यता रहेको यो वडामा विराटनगरमा गएर ठेला रिक्सा कुदाउने, जनमजदुरी गर्ने सवै भन्दा धेरै हुनुहुन्छ । लक डाउनले काम थर्न नपाएर भोक भोकै बस्नुपर्ने अवस्था आउन नदिन पहिलो चरणमा यति राहत वितरण गरिएको हो ।’ उनले भने ,‘सिमित श्रोत र साधानका कारण हाललाई राहत वितरण गरिएपनी त्यो मात्र प्रयाप्त छैन ।’

वडाध्यक्ष सरदारले सर्वदलिय संयन्त्रले अतिनै आवश्यक १३ सय ९५ घरधुरी राहतका लागि छनौट गरेपनी गाउँपालिकाले ६ सय ८० परिवारलाई मात्र पुग्ने साहत सामाग्री उपलब्ध गराएपछी वडाकै बजेटबाट थप ७ सय १५ घरलाई राहत वितरण गरिएको जानकारी दिए । उनले वडामा रहेका दैनिक ज्यालादरी मजदुर र विपन्न प्रतिपरिवार १० केजी चामल, १ केजी नुन, आधा लिटर तेल र १ थान साबुन राहत वितरण गरिएको बताए ।


लक डाउन लम्बिएकाले काम गर्न नपाएर हातमुख जोर्न समस्यामा परेका वडाबासी राहत पाएसँगै खुशि भएका छन् । दुखको घडीमा घर–घर आएर वडा समितिले राहत उपलब्ध गराएको सहयोग सराहनीय रहेको स्थानीयले बताएका छन् ।

स्थानीय रामप्रसाद सरदारले आफु दैनिक जनमजदुरी गरेर परिवार चलाउँदै आएपनी लक डाउनले गर्दा काममा जान नपाएर छाक टार्न मुस्किल पर्दै आएको अवस्थामा वडासमितिले राहत उपलब्ध गराएको बताए । ‘हामी दिनहुँ जनमजदुरी गरेर परिवारको पेट पाल्दै आएका छौँ । काममा जान नपाएको धेरै दिन भइसक्यो । घरमा भएको अलिकति चामल दाल पनि सकियो । भोकभोकै बस्नुपर्ने हो कि भन्ने चिन्ता थियो ।’ उनले भने ,‘तर, वडाले थोरै भएपनि राहत दिएको छ । यसले केही दिन भएपनि हामीलाई ठुलै राहत मिलेको छ ।’

त्यस्तै स्थानीय पुजिदेवी राजवंशी, भुन्टिदेवी उराँव, नारायण हस्दा लगायतले पनि वडा समिति मार्फत राहत वितरण गरिएपछी खुशि व्यक्त गरेका छन् । उनीहरुले भने,‘बिहान बेलुका के खानु भन्ने अवस्था थियो । अझै १÷२ दिन ढिलो भएको भए भोकै बस्ने दिन आउँथ्यो । थोरै भएपनी राहत दिनुभएको छ, यसले झण्डै हप्तादिन सम्म त पुग्छ । तर, अझै निकै दिन बन्द भयो भने चाहीँ हामीलाई यति राहतले नपुगेर समस्या हुन्छ ।’

स्थानीय राजनितिक दलका पार्टी प्रतिनिधिहरुले अतिनै विपन्न र राहत वितरण गर्नै पर्ने परिवारमात्र सर्वदलिय संयन्त्रमार्फत छनौट गरिएको बताएका छन् । नेपाल कम्युनिष्ट पार्टी(नेकपा) का राजकुमार देव, नेपाली कांग्रेसका प्रतिनिधि बलराम सरदारले दैनिक जनमजदुरी गरेर जिविकोपार्जन गर्दै आएका अति विपन्न र आर्थिक अवस्था कमजोर भएका परिवारमात्र छनौट गरिएको बताए ।

राहत वितरण सुर्यदल गण थलाहका सेनानी तुलबहादुर बोहरा, नेपाल प्रहरीको टोली, नेकपा मोरङका सदस्य तथा कटहरी गाउँपालिका सह–इन्चार्ज सुभाषकुमार सरदार, नेकपा वडा प्रतिनिधि राजकुमार देव, नेपाली कांग्रेसका बरराम सरदारलगायतको उपस्थिीतमा ट्याक्टरमा ढुवानी गरि घर घरमा पुगेर सामाजिक दुरी कायम गरि वितरण गरिएको थियो ।

सम्बन्धित समाचार

नगद सहित ब्राउन सुगर कारोबारमा संलग्न ४ जना पक्राउ

विराटनगर, १५ असार ।झापाको दमकबाट लागुऔषध ब्राउन सुगर सहित ४ जनालाई पक्राउ गरिएको छ । हिजो दिउसो सँवा ३ बजे दमक-६ थाना रोड स्थितबाट ईलाका प्रहरी कार्यालय दमकबाट खटिएको प्रहरी टोलीले चेकजाँच गर्ने क्रममा गौरादह ५ वालुवथान का २६ बर्षीय विवेक...

पूर्वावश्यक पाठ्यक्रमको परीक्षा पुस पाँचदेखि हुने

काठमाडौं, २७ मंसिर । पूर्वावश्यक पाठ्यक्रमको परीक्षाको परीक्षा तालिका सार्वजनिक भएको छ । राष्ट्रिय परीक्षा बोर्डले पूर्वावश्यक पाठ्यक्रमको वार्षिक परीक्षा आगामी पुस पाँच गतेबाट १० गतेसम्म गर्नेगरी परीक्षा तालिका सार्वजनिक गरेको हो । प्राविधिक शिक्षा...

विराटनगरमा आज र भोलि भेरोसेलको दोस्रो खोप लगाइदै

विराटनगर, २५ असार । विराटनगरमा आगामी आज र भोलि कोरोना भाइरसविरुद्धको दोस्रो खोप लगाइने भएको छ । विराटनगर महानगरपालिकाले आसार २५ र २६ गते पहिलो चरणमा खोप लगाएकालाई दोस्रो मात्र लगाइने सुचना प्रकाशित गरेको थियो...

कोशी सांस्कृतिक प्रतिष्ठानले गर्यो विराटनगरमा बृहत सांस्कृतिक कार्यक्रम

विराटनगर, १५ फागुन । कोशी सांस्कृतिक प्रतिष्ठान नेपालले विराटनगर बृहत सांस्कृतिक कार्यक्रमको आयोजना गरेको छ । प्रतिष्ठानले सहिद सप्ताहको सन्दर्भ पारेर कार्यक्रम गरेको हो । सो अवसरमा विराटनगर–१ स्थित विष्णुमाया पुस्तकालय परिसरमा कार्यक्रम आयोजना गरिएको...

नारायणगढ-मुग्लिन सडकमा पहिरो रोक्ने काम अन्तिम चरणमा

चितवन, २४ जेठ-नारायणगढ-मुग्लिन सडकमा पहिरो रोक्ने काम अन्तिम चरणमा पुगेको छ । अहिलेसम्म ८४ प्रतिशत काम सम्पन्न भएको नारायणगढ-मुग्लिन सडक आयोजनाले जानकारी दिएको छ । लकडाउनले डेढ महिना रोकिएको काम पुनः तीव्र पारिएको हो ।...

विराटनगरको रानी नाका आजदेखि खुला

बिराटनगर, १६ असोज । विराटनगरको रानी नाका शनिबारदेखि आधिकारीक रुपमा खुला भएको छ । लामो समय बन्द रहेको सो नाका शनिबारदेखि पूर्णरुपमा खुल्ला भएको हो । असोज ११ गते बसेको मन्त्रिपरिषद्को बैठकले गरेको सिमाना खोल्ने...

चीनले भन्याे, ‘कालापानी नेपाल र भारतबीचको मुद्दा हो’

काठमाडौं, ७ जेठ-चीनले नेपालको कालापानी भूभागको विषय नेपाल र भारतबीचको मुद्दा रहेको प्रष्ट्याएको छ । चिनियाँ विदेश मन्त्रालयको दैनिक पत्रकार सम्मेलनको क्रममा प्रवक्ता जाओ लिजानले मंगलबार उक्त धारणा राखेका हुन् । प्रवक्ता लिजानले भारत र...

बझाङमा क्वारेन्टाइनमा बसेका युवकद्वारा आत्महत्या

बझाङ, ८ असार-बझाङमा क्वारेन्टाइनमा बसेका १ पुरुषले आत्महत्या गरेका छन् । जिल्लाको छबिसपाथिभेरा गाउँपालिका-७ मजखोरी माविमा बनाइएको क्वारेन्टाइनमा बसेका सोही वडाकाे बुडखोरीका ३० वर्षीय १ युवकले आत्महत्या गरेका हुन् । ३ दिन अघि मात्र भारतको...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्