विराटनगर । मोरङमा तेली सामुदाय संगठीत भएर अगाडी बढेका छन् । मोरङको स्थानीय तहरूमा तेली समाज गठन गरेर अहिले संगठित भएर अगाडी बढेका हुन् ।

विभिन्न नाममा रहेको तेली समुदायका जातिय संस्थाहरु एक हुँदै गएर अहिले १६ वटा जिल्लामा तेली कल्याण समाज नेपालको जिल्ला समिति बनाई सकेका छन् ।
सुनसरीमा रहेको साह सेवा समिति पनि तेली कल्याण समाज नेपाल अन्तर्गत रहेर कामकाज गरिरहेको छ । गत फागुनमा नाम समेत परिवर्तन गरेर तेली कल्याण समाज राखिसकेको छ ।

मोरंगमा तेली कल्याण समाज नेपालका नामले नै जिल्ला समिति सेवारत थियो । यद्यपि ५ औं अधिवेशन भन्दा अगाडि सकृयता केहि कम थियो । गत भदौमा भएको ५ औं जिल्ला अधिवेशनले डा. बालकृष्ण साहको नेतृत्वमा जिल्ला कार्य समिति बने पछि संगठनमा सकृयता थपिएको छ । अधिवेशन पुर्व नै गाउँ तथा नगर अधिवेसन सम्पन्न गरेर मोरङको जहदा गाउँ समिति, रंगेली नगर समिति, सुनबर्शी गाउँ समिति र रतुवामाई नगर समिति गठित थिए ।

वैसाखमा सुन्दरहरैचा नगर अधिवेशन गरेर शुन्दरहरैचा नगर समिति गठन गरिसकेको छ ।

अहिलेसम्म विराटनगर महानगरमा महानगरीय समिति गठन गर्न सकिएको छैन । हालै विराटनगर महानगरमा अन्य विभिन्न नामले तेली समुदायका संघसंगठनहरु रहेको र सोलाई समेत एकीकरण गर्दै वडा अधिवेशन गरेर मात्रै महानगर अधिवेशन गरेर महानगर समिति गठन गर्ने उद्देश्यले अधिवेशन तयारी गर्न गराउन तदर्थ समिति गठन गरिएको छ।

बिराटनगर ७ निवासी तथा साह हाडवेयरका सञ्चालक संजय कुमार साहको संयोजकत्वमा ११ सदस्यीय तदर्थ समिति गठन भएको छ । यस समितिले वडा भेला गराउने, वडा अधिवेशन गराउने र तत्पश्चात महानगर अधिवेशन गराउने जिम्मेवारी पाएको छ ।

जातिय एकता र पहिचान बचाउदै कुलवंशको गरिमा कायम गराउन यस समितिलाई सहयोग गरि सहयोग गर्न जिल्ला कार्यसमिति मोरङले हार्दिक अपिल गरेका छन् । नवगठित तदर्थ समितिमा संयोजक संजय कुमार साह, सदस्य सचिव जगत लाल साह, सदस्यहरुमा संचित साह, नन्दगोपाल साह, सुरेश साह, सन्तोष साह, श्रीलाल साह,
सरोज साह, संजिव साह, कमल साह, शिव कुमार साह रहेका छन् ।