विराटनगर । विराटनगरमा जारी १ नं। प्रदेश स्तरीय प्रथम टुबोर्ग मिल्स भेट्रान्स गोल्ड कप प्रतियोगितामा मर्निङ्ग भेट्रान्स क्लब हाटखोला सेमिफाइनलमा पुगेको छ । विराटनगर जुट मिलको खेलमैदानमा बिहीबार भएको खेलमा युनाईटेड भेट्रान्स क्लब विराटनगरलाई ६– २ गोलले हराउँदै हाटखोला सेमिफाइनलमा पुगेको हो । 

जितको लागि हाटखोलाका सुरज श्रेष्ठले ह्याट्रिक पुरा गरी पाँच गोल गरे ।  सुरेन तामाङले एक गोल गरे । युनाइटेडका हर्क गुरुङले एक गोल फर्काएका थिए भने एक गोल आत्मघाती भयो ।

खेल सुरु भएको तीन मिनेटमा हाटखोलाका सुरज श्रेष्ठले गोल गरी सुरुवाती अग्रता दिलाए । उनले पहिलो गोल गरेको  ६ मिनेट पनि बित्न नपाउँदै ९ औँ मिनेटमा गोल गरी दोब्बर बनाए । सुरन तामाङले  २२ औँ मिनेटमा गोल गरी तेब्बर बनाए ।  

पुरा समय युनाइटेड माथि हाबी भएको हाटखोलाले हाफपछि तीन गोल ग¥यो । ४० औँ मिनेटमा सुरजले ह्याट्रिक पुरा गरी ४–० ले अग्रता कायम गरे । हाफपछि हाटखोलाका सुनिल राउतले ५४ औँ मिनेटमा आत्मघाती गोल गर्दा युनाइटेडले खाता खुल्ने अवसर पायो ।
सुरजले ५८ औैं मिनेटमा गोल गरी हाटखोलालाई ५–१ ले अग्रता बनाए । युनाइटेकका हर्क गुरुङले ६० औँ मिनेटमा गोल गरी ५–२ बनाए । खेलको ७३ औँ मिनेटमा सुरजले थप गोल गर्दै हाटखोलालाई ६–२ गोलले जित दिलाउन सफल भए । 
खेल अवधि भरी पाँच गोल गर्दै हाटखोलाका सुरज श्रेष्ठ म्यान अफ द म्याच घोषित भए । उनले नगद २ हजार १ सय रुपैयाँ पाए । 

शुक्रवारको पहिलो सेमिफाइनल खेल भरौल भेट्रान्स क्लब  सुनसरी र दमक –लखनपुर भेट्रान्स क्लब दमक बिच खेल हुने मिल्स भेट्रान्स क्लबका संयोजक मनोज खड्काले जानकारी दिए ।