धरानस्थित बीपी कोइराला स्वास्थ्य विज्ञान प्रतिष्ठानमा भइरहेको आन्दोलनबारे अध्ययन गर्न सरकारले समिति गठन गरेको छ । प्रधानमन्त्री कार्यालयका सचिव बैकुण्ठ अर्यालको संयोजकत्वमा ८ सदस्यीय समिति गठन गरिएको हो ।

समितिलाई अध्ययन गरेर प्रतिवेदन बुझाउन १५ दिनको समय दिइएको प्रधानमन्त्री कार्यालयका प्रवक्ता किरणराज शर्माले जानकारी दिए । ‘समितिले प्रतिष्ठानको जाँचबुझ गर्ने र आन्दोलनरत पक्षसँग पनि छलफल गरेर प्रतिवेदन बनाउने हो,’ उनले भने ।

प्रतिष्ठानको शुद्धिकरणको माग राख्दै संघर्ष समितिले आन्दोलन सुरु गरेको एक महिना बितिसक्यो । समितिले पदाधिकारीको राजीनामा र अहिलेसम्म भएको भ्रष्टाचारबारे छानविन हुनुपर्नेलगायतका माग राखेर आन्दोलन थालेको हो ।