प्रदेश–१ मा छुट्टाछुट्टै घटनामा ३ जनाको मृत्यु भएको छ । चितवन, झापा र सुनसरी गरी छुट्टाछुट्टै घटनामा ३ जनाको मृत्यु भएको हो ।चितवनमो इच्छा मनकामना–३ सौराहका २७ बर्षीय चित्रकुमार गुरुङको स्काभेटर दुर्घटनाबाट मृत्यु छ ।

आइतबार ताप्लेजुङ फक्तालुङ–६ फेदीखोला स्थित नयाँ निर्माणाधिन उत्तर दक्षिण दोभान–ओलाङचुङगोला सडक खण्डमा स्काभेटर सडकबाट सय मिटर तल खसेर दुर्घटना हुँदा चालक गुरुङको घटनास्थलमै मृत्यु भएको प्रहरीले जनाएको छ ।

यस्तै, झापा मेचिनगर–११ मिलडाँडा बस्ने ५६ बर्षीया तारादेबी कुमालको पानी डुबेर ज्यान गएको छ ।आइतबार बेलुका छिमेकीको घरमा घुम्न आएको अवस्थामा आँगनमा पानी जमाउन बनाएको रिङमा डुबेर उनको ज्यान गएको हो ।

सुनसरीको कोशी गाउँपालिका–२ का ४८ बर्षीय शिवु यादवको बयलगाडाबाट लडेर मृत्यु भएको छ । आइतबार अपरान्ह ५ बजे सोही स्थानबाट बयलगाडा चलाएर खेतमा गँहु लिन जाने क्रममा नहरको खाल्डोमा पल्टिँदा गम्भीर घाइते भएका यादबको उपचारका क्रममा जिल्ला अस्पताल इनरुवामा मृत्यु भएको प्रदेश प्रहरी कार्यालय विराटनगरले जनाएको छ ।