सीमा नाका खुल्ला गर्न माग गर्दै सीमा क्षेत्रमा धर्ना - News Birat

सीमा नाका खुल्ला गर्न माग गर्दै सीमा क्षेत्रमा धर्ना

न्यूज विराट

विराटनगर, २० मंसिर–कोरोना भाइरसको संक्रमण रोकथामका लागि सरकारले बन्द गरेको नेपाल–भारत सीमा नाका खोल्नुपर्ने माग गर्दै सीमा क्षेत्रका स्थानीयले अनिश्चीत कालिन धर्ना सुरु गरेका छन् । नेपाल भारत खुल्ला सीमा सम्वाद समुहले भारतीय नाकासँग जोडिएको जोगबनीस्थित नेपाल क्षेत्रमा शनिवार अनिश्चितकालीन धर्ना सुरु गरेको हो ।

कोरोना भाईसरको संक्रमण रोकथान गर्ने नाममा सरकारले भारतसँग रहेको धार्मिक, संस्कृति र राजनीतिक सम्बन्धमा असर पार्न नाटकीय रुपमा सिमा शिललाई निरन्तरता दिएकाले अनिश्चितकाल धर्नामा बस्न बाध्य भएको सम्वाद समुहका संयोजक राजीव झाले बताए । भारतको जोगबनी र नेपालको विराटनगर भन्सारको ढाट क्षेत्रमा सुरु गरेको धर्नामा विभिन्न दलका अगुवा नेता तथा कार्यकर्ताहरुको सहभागिता रहेको छ । स्थानीयले बन्द नाका खोल्न सरकारसँग माग गर्दै धर्ना दिएका हुन् ।

करिब नौ महिनादेखि नेपाल–भारत नाका बन्द हुँदा नेपाल–भारतको व्यापार–व्यवसाय मात्र नभएर सामाजिक र सांस्कृतिक सम्बन्धमा असर परेको संयोजक झाले बताए । भारतसँगको सीमा नाका बन्द गरेर चिनँसँग जोडिएको नाका खोल्न सरकारले प्रयास सुरु गरेकाले आफुहरु धर्नामा उत्रिएको उनले बताए ।

‘परम्परा देखि रहेको बेटीरोटीको सम्बन्धलाई तोड्ने सरकारको प्रयास सफल हुन दिने छैनौँ । सरकारले सीमा क्षेत्रमा बसोवास गर्दे आएका नेपालीलाई भोकमरीको सिकार बनाउन लागेको छ । सीमा क्षेत्रका जनतालाई खान समस्या छ ।’ उनले भने,‘तर, सरकार समस्या समाधान गर्ने तर्फ भन्दा पनि सीमा व्यवस्थित गर्ने नाममा सँधैका लागि बन्द गर्ने योजनामा लागेको देखियो ।’

वैधानिक रूपमा सीमा नाका खुला नहुदा चोरबाटोबाट आवतजावत गर्ने क्रम नरोकिएको र तस्करी तथा कालोबजारीको धन्दा मौलाएकाले आन्दोलान गर्न बाध्य भएको स्थानीय युवा मो. फैयाजले बताए ।

सरकारले कोरोना संक्रमण रोकथामका लागि गत ११ चैतदेखि जारी गरेको बन्दाबन्दी यता नेपाल–भारत सीमानाका बन्द छ । संवाद समुहले प्रदेश १ का विभिन्न जिल्लासहित प्रदेश २ को महोत्तरी, वीरगञ्ज, पर्सा, बारा, सिरहा, पस्तरी, भैरहावा लगायतका नाकामा अनिश्चितकालिन धर्नामा बसिरहेको जनाएको छ

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles