कोरोनाविरुद्धको फाइजर खोप आउने दिन नजिकिएको छ । सरकारले १८ वर्षभन्दा कम उमेरकालाई दिनेगरी फाइजर खोप ल्याउने तयारी गरेको हो । करिब ३ महिनाअघि देखि नै खोप ल्याउने पहल भएको थियो ।

द ग्लोबल एलायन्स फर भ्याक्सिन्स एन्ड इम्युनाइजेसन (गाभी) मार्फत सो खोप आउने भएको हो । हाल सो खोप १ लाख ६ सय ३० डोज आउने बताइएको छ ।

नेपालले खोप खरिद नै गर्न चाहेको भएपनि अहिले यो कोभ्याक्स सुविधाअन्तर्गत अनुदानमा आउन लागेको हो ।

यो खोपको भण्डारण प्रक्रिया जटिल भएकाले यसको वितरणमा सतर्कता अपनाउनु पर्ने विज्ञको मत छ ।

यो खोपको सेल्फ लाइफ पूर्णरूपमा कायम गर्न अल्ट्रा कोल्ड चेन माइनस ४४ देखि माइनस ८० सेल्सियस तापक्रममा भण्डारण गर्नुपर्ने हुन्छ।फाइजर खोपलाई माइनस १५ देखि २५ डिग्री सेल्सियसमा १४ दिन भण्डारण गर्न सकिन्छ।

माइनस २ देखि ८ डिग्री सेल्सियसमा ३१ दिन मात्र राख्न सकिन्छ। यो खोप एकपटक अल्ट्रा कोल्ड चेन (माइनस ४४ देखि माइनस ८० सेल्सियस) बाट २ देखि ८ डिग्री सेल्सियसमा भण्डारण गरेपछि फेरि माइनस तापक्रममा राख्न हुँदैन।

त्यसो गर्दा खोपको प्रभावकारित नष्ट हुने खतरा रहन्छ ।

हाल आएको खोपलर् करिब ४५ देखि ४६ हजारलाई मात्र लाउन पुग्ने बताइएको छ ।