सीमा विवादलाई लिएर चिनियाँ मुखपत्र ग्लोबल टाइम्सको टिप्पणीप्रति नेपाली कांंग्रेसको आपत्ति - News Birat

सीमा विवादलाई लिएर चिनियाँ मुखपत्र ग्लोबल टाइम्सको टिप्पणीप्रति नेपाली कांंग्रेसको आपत्ति

न्यूज विराट
काठमाडौं, २८ कात्तिक-चिनियाँ मुखपत्र ग्लोबल टाइम्स पत्रिकाको समाचारप्रति कांग्रेसले आपत्ति जनाएको छ । शुक्रबार बसेकाेे केन्द्रीय समिति बैठकले नेपाल-चीन सीमा स्तम्भमा देखिएक‍ो समस्याका विषयमा पार्टीको तर्फबाट अध्ययन गरेकै आधारमा चिनियाँ पत्रिकाले आफूलाई भारतपरस्त भनी गरेको टिप्पणीको  निन्दा गर्दै टिप्पणी आधारहीन रहेेेको जनाएको छ।  

 १० नोभेम्बरमा प्रकाशित ग्लोबल टाइम्सले कांग्रेसलाई भारतपरस्त रूपमा चित्रित गरेको छ। `चीन सरकारको आधिकारिक दृष्टिकोणलाई प्रतिनिधित्व गर्ने ग्लोबल टाइम्सको न‍ोभेम्बर १० मा प्रकाशित लेखप्रति कांग्रेको गम्भीर ध्यानाकर्षण भएको छ´, कांग्रेस निर्णयमा भनिएको छ, ‘ग्लोबल टाइम्सको आधारहीन र आपत्तिजनक टिप्पणीको नेपाली कांग्रेस निन्दा गर्दछ। नेपालको राष्ट्रिय अखण्डता, सार्वभौमसत्ता र सुरक्षा हाम्रो सर्वोच्च स्वार्थ हो।´ नेपाल-चीन सीमाको सम्बन्धमा कांग्रेसका तर्फबाट प्रदेशसभा सदस्य जीवनबहादुर शाहीले तयार पारेको प्रतिवेदनलाई लिएर चिनियाँ दूतावासले लेखेको पत्रलाई पनि कांग्रेसले अमैत्रीपूर्ण भएको जनाएको छ । कांग्रेसले विवाद निरुपणमा नेपाल सरकारले समेत अग्रसरता नदेखाएको आरोप लगाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles