पर्सी सचिवालय बैठक बोलाउने प्रचण्डको प्रस्ताव - News Birat

पर्सी सचिवालय बैठक बोलाउने प्रचण्डको प्रस्ताव

न्यूज विराट
काठमाडौं, २५ कात्तिक-सत्तारूढ नेकपाका कार्यकारी अध्यक्ष पुष्पकमल दाहाल प्रचण्डले पर्सी बिहीबार सचिवालय बैठक बोलाउने गरेका छन् ।  मंगलबार प्रचण्डले अर्का अध्यक्ष एवं प्रधानमन्त्री केपी शर्मा ओलीसँग भेट गरेर सचिवालय बैठक राख्ने प्रस्ताव गरेका हुन् । पार्टी कार्यालय धुम्बाराहीमा बैठक बोलाएर अध्यक्ष प्रचण्ड प्रधानमन्त्री ओलीलाई भेट्न बालुवाटार पुगेका थिए । 

पर्सी बैठक राख्ने सहमति दिन प्रचण्डले ओलीलाई आग्रह गरेको नेकपा प्रवक्ता नारायणकाजी श्रेष्ठले बताए । प्रचण्डकोको प्रस्तावमा ओलीले भने सहमति नजनाएको उनको भनाइ छ । उनीले ओलीकै सहमतिमा बैठक बस्ने पनि बताए ।

अपरान्ह ४ बजेलाई बोलाइएको बैठकमा प्रचण्डसहित सचिवालयका सदस्यहरू माधवकुमार नेपाल, झलनाथ खनाल, वामदेव गौतम र नारायणकाजी श्रेष्ठ सहभागी थिए । प्रचण्डले बोलाएको बैठकमा प्रधानमन्त्री ओलीनिकट नेताहरू भने सहभागि थिएनन् ।

सचिवालय बोलाउनुअघि ओलीनिकट नेताहरूले बिहान प्रचण्डलाई भेटेका थिए । त्यस्तै, सोमबार पार्टी महासचिव विष्णु पौडेलले पनि प्रचण्डलाई भेटेका थिए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles