जनकपुरधाम, ५ वैशाख-राहत बाँडनका लागि नेपाल सरकारले बनाएको गाइड लाइनको जनकपुरधाम उपमहानगरपालिकाका मेयर लालकिशोर साह दुरुपयोग गरेको भेटिएको छ ।

जनकपुरधाम-८ मा गरिबहरूका लागि आज निःशुल्क भोजनको कार्यक्रम थियो । प्याब्सन धनुषाको सहयोगमा भएको नि:शुल्क भोजन कार्यक्रममा मेयर पनि सहभागि भएका थिए । उनले विनामास्क र हातमा पञ्जा पनि नलगाइ भोजन वितरण गरेपछि सामाजिक सञ्जालमा आलोचना भइरहेको छ ।

चेम्बर अफ कर्मस जनकपुरधामका वरिष्ठ उपाध्यक्ष सरोज मिश्रले आफैँ केही गर्न नसकेका मेयरले बिना पञ्जा र मास्कको कोरोना बाँडेको भन्दै आलोचना गरेका छन् । ‘जनप्रतिनिधि जस्तो व्यक्तिलाई कोरोनाबाट बच्न कस्तो सावधानी अपनाउनु पर्छ थाहा छैन वा जानी जानी वदमासी भइरहेको छ’ उनले प्रश्न गरेका छन् । श्यामबाबु जयसवालले मेयरको लापरबाहीको परकाष्ठा नाघेको सामाजिक सञ्जालमा लेखेका छन् ।