काठमाडौं, २९ चैत-कोरोना भाइरस संक्रमणको आशंकामा देशभर ८२ जनालाई आइसोलेसनमा राखेर उपचार भइरहेको स्वास्थ्य मन्त्रालयले जनाएको छ ।आजको नियमित पत्रकार सम्मेलनमा मन्त्रालयका प्रवक्ता विकास देवकोटाले देशभर ८२ हजार जना क्वारेन्टाइनमा रहेको जानकारी दिए ।

उनका अनुसार २४ घन्टामा ८९७ जनाको कोरोना भाइरस संक्रमण भए नभएको परीक्षण भएको र सबैकाे नेगेटिभ रिपाेर्ट आएकाे उनले जानकारी दिए ।

उनका अनुसार सुदूरपश्चिमका सबै जिल्लामा र्‍यापिड टेस्टको सुविधा थपिएको र काठमाडौंकाे टेकु अस्पतालमा पनि यो सुविधा थप भएको जानकारी दिए । उनका अनुसार उपत्यकामा ५ जना भाइरस संक्रमणको रेड जोनमा छन् भने देशभर यस्ताे संख्या १८९ छ ।