विराटनगर, चैत ११–ओखलढुङगा मानेभञ्ज्याङ–५ की २५ बर्षीया पबित्रा राईको मोटरसाईकल दुर्घटनाबाट मृत्यु भएको छ । आज बिहान ११ बजे मानेभञ्ज्याङ जेरुङ गाउँ स्थितमा हर्कपुरबाट मानेभञ्ज्याङ तर्फ आउँदै गरेको ना ६ त ७३६० नम्बरको ट्र्याक्टर र विपरित दिशाबाट आउदै गरेको बा ६३ प ९३५५ नम्बरको मोटरसाईकल एक आपसमा ठक्कर खाई दुर्घटना हुदा पछाडी सवार रहेकी राईको मृत्यु भएको हो ।

दुर्घटनामा मोटरसाईकल चालक सोहीठाउँका २४ बर्षीय सुजन राई र सोही मोटरसाईकल पछाडीनै सवार अर्का १९ बर्षीय सनम राई घाईते भएका छन् । घाइते दुवैको स्थानीय मिसन अस्पतालमा उपचार भईरहेको छ । घटनामा संलग्न ट्र्याक्टर र त्यसका चालक नियन्त्रणमा रहेको प्रदेश प्रहरी कार्यालय विराटनगरले जनाएको छ ।