विराटनगर, चैत ५–नेपाल औषधी व्यवसायी संघ मोरङले बुधवार विराटनगरमा कोरोना भाइरस(कोभिड १९) को संक्रमण सम्बन्धी सचेतनामुलक कार्यक्रम तथा त्यसबाट बच्ने सामाग्री वितरण गरेको छ ।
![](data:image/svg+xml;base64,PHN2ZyB4bWxucz0iaHR0cDovL3d3dy53My5vcmcvMjAwMC9zdmciIHdpZHRoPSIyNTYwIiBoZWlnaHQ9IjExODMiIHZpZXdCb3g9IjAgMCAyNTYwIDExODMiPjxyZWN0IHdpZHRoPSIxMDAlIiBoZWlnaHQ9IjEwMCUiIHN0eWxlPSJmaWxsOiNjZmQ0ZGI7ZmlsbC1vcGFjaXR5OiAwLjE7Ii8+PC9zdmc+)
संघले विराटनगरको ट्राफिक चौकमा सर्वसाधारणलाई भाइरसबाट जोगिन माक्स लगाउने गर्नुपर्छ भन्ने सचेतना जगाउँदै उनिहरुलाई १ हजार थान माक्स वितरण गरेको हो ।
![](data:image/svg+xml;base64,PHN2ZyB4bWxucz0iaHR0cDovL3d3dy53My5vcmcvMjAwMC9zdmciIHdpZHRoPSIyNTYwIiBoZWlnaHQ9IjEyNTAiIHZpZXdCb3g9IjAgMCAyNTYwIDEyNTAiPjxyZWN0IHdpZHRoPSIxMDAlIiBoZWlnaHQ9IjEwMCUiIHN0eWxlPSJmaWxsOiNjZmQ0ZGI7ZmlsbC1vcGFjaXR5OiAwLjE7Ii8+PC9zdmc+)
सोहि अवसरमा संघले भाइरसको संक्रमण सबैभन्दावढी हातमा हुने भन्दै सर्वसाधारणलाई हातलाई भाइरसबाट मुक्त राख्न सेनिटाइजर लगाउनुपर्छ भन्दै सेनिटाइजर लगाइदियो ।
![](data:image/svg+xml;base64,PHN2ZyB4bWxucz0iaHR0cDovL3d3dy53My5vcmcvMjAwMC9zdmciIHdpZHRoPSI4NjciIGhlaWdodD0iNDQ5IiB2aWV3Qm94PSIwIDAgODY3IDQ0OSI+PHJlY3Qgd2lkdGg9IjEwMCUiIGhlaWdodD0iMTAwJSIgc3R5bGU9ImZpbGw6I2NmZDRkYjtmaWxsLW9wYWNpdHk6IDAuMTsiLz48L3N2Zz4=)
त्यसका साथै कोरोना भाइरसबाट जोगिन अपनाउनुपर्ने तरिका र संक्रमण भयो भनेपनि अपनाउनु पर्ने तरिकासम्बन्धी पर्चा छापेर वितरण गरेको छ।
![](data:image/svg+xml;base64,PHN2ZyB4bWxucz0iaHR0cDovL3d3dy53My5vcmcvMjAwMC9zdmciIHdpZHRoPSIyNTYwIiBoZWlnaHQ9IjE1NzciIHZpZXdCb3g9IjAgMCAyNTYwIDE1NzciPjxyZWN0IHdpZHRoPSIxMDAlIiBoZWlnaHQ9IjEwMCUiIHN0eWxlPSJmaWxsOiNjZmQ0ZGI7ZmlsbC1vcGFjaXR5OiAwLjE7Ii8+PC9zdmc+)
उक्त अवसरमा संघका अध्यक्ष लक्ष्मी तिम्सिना, उपाध्यक्ष देशबन्धु ढकाल, महासचिव दीनेश ठाकुर, सचिव हरि रेग्मी, कोषाध्यक्ष विजयकुमार राजवंशी , जिल्ला ट्राफिक प्रहरी कार्यालय मोरङका प्रहरी निरिक्षक राकेश पोद्धारलगायतले सर्वसाधारणलाई सेनिटाइजर हातमा लगाइदिने , माक्स र पर्चा वितरण गरेका थिए ।
कोरोना भाइरस सम्बन्धी सचेतना तथा सामाग्री वितरण कार्यक्रममा सहभागी कोशी अस्पताल विराटनगरका फिजिसियन डा.लक्ष्मीनारायण यादवले कोरोना भाइरसको संक्रमणबाट कसरी आफु , परिवार र समाजलाई जोगाउने भन्ने विषयमा जानकारी गराएका थिए ।
संघले पुनः यस किसिमको चेतनामुलक तथा माक्स वितरण तथा सेनिटाइजर लगाउने कार्यक्रम गर्ने उपाध्यक्ष देशबन्धु ढकालले जानकारी दिए । उक्त कार्यक्रममा माक्स लिन सर्वसाधारणहरुको घुईंचो लागेको थियो ।