प्रधानमन्त्रीको स्वास्थ्यमा सुधार, कालो चिया खुवाइयो - News Birat

प्रधानमन्त्रीको स्वास्थ्यमा सुधार, कालो चिया खुवाइयो

न्यूज विराट

काठमाडौं, फागुन २२–मिर्गौला प्रत्यारोपण गराएका प्रधानमन्त्री केपी शर्मा ओलीको स्वास्थ्यमा क्रमिक सुधार हुँदै गएको छ । त्रिवि शिक्षण अस्पतालमा बुधबार दोस्रो पटक मिर्गौला प्रत्यारोपण गराएका ओलीको स्वास्थ्यमा क्रमिक सुधार हुँदै गएको चिकित्सकहरुले बताएका छन् ।

प्रधानमन्त्रीको स्वास्थ्य अवस्थावारे जानकारी लिन आज बिहान त्रिवि शिक्षण अस्पताल पुगेका उपप्रधानमन्त्री तथा रक्षामन्त्री इश्वर पोखरेलले ओलीको स्वास्थ्य अवस्था सामान्य हुँदै गएको र बिहान कालो चिया सेवन गर्न दिइएको चिकित्सकले बताएको जानकारी दिए । चिकित्सकहरुको भनाई उदृत गर्दै पोखरेलले भने, ‘उहाँको स्वास्थ्य अवस्था सामान्य छ, बिहान कालो चिया खुवाइएको छ ।’

उपचाररत प्रधानमन्त्री ओलीको स्वास्थ्य अवस्थाका बारेमा जानकारी लिन रक्षामन्त्रीसँगै स्वास्थ्य तथा जनसंख्यामन्त्री भानुभक्त ढकाल, नेकपा संसदीय दलका उपनेता सुवासचन्द्र नेम्वाङ र प्रधानसेनापति पूर्णचन्द्र थापा लगायतका उच्च पदस्थ व्यक्तित्वहरु शिक्षण अस्पताल पुगेका छन् । तर प्रधानमन्त्री ओलीलाई भेट्न भने दिइएको छैन ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles