विराटनगर, फागुन १०–विराटनगरमा आयोजित विराट एक्स्पो २०७६ आजबाट समापन भएको छ । लक्ष्य अनुसारको एक अर्ब बढीको कारोबारगर्दै एक्स्पो सम्पन्न भएको हो । गत फागुन २ गतेदेखि सुरु भएको कृषि तथा औद्योगिक अन्तराष्ट्रिय प्रर्दशनी शनिवारबाट समापन भएको हो ।
उद्योग संगठन मोरङको आयोजना र प्रदेश सरकारको प्रबद्र्धनमा आयोजित ९ दिने अन्र्तराष्ट्रिय प्रदर्शनीको अवधिमा लक्ष्य अनुसारको १ अर्बको कारोबार भएको आयोजकले जनाएको छ ।
एक्स्पोका संयोजक भोलेश्वर दुलालले प्रर्दशनी अवधिभरा मा ३ लाख २५ हजार जनाले अवलोकन गरेको तथा १ अर्बको कारोबार भएको जानकारी दिएका छन् । ‘ऐतिहासिकरुपमा एक्स्पो सम्पन्न भएको छ । एक्स्पोको सफलताले हामी अझ उत्साहित भएका छौँ । जुन हाम्रो अपेक्षा भन्दा राम्रो भएको छ’ उनले भने,‘ आगामी वर्षमा अझ प्रदर्शनी स्थलनै निर्माण गरेर ब्यापार मेलालाई निरन्तरता दिनुपर्ने जरुरी छ ।’
विराटनगर–२ स्थित शंकरपुरमा आयोजना गरिएको एक्स्पोमा ४ सय ६५ वटा स्टलहरु राखिएका थिए । जसमध्ये बंगलादेश,भारत,श्रीलंका, पाकिस्तान र भुटानका ४५ वटा स्टलहरु थिए । एक्स्पोमा राखिएका सबै स्टलहरुमा सोचेभन्दा राम्रो ब्यापार भएको उद्योग संगठन मोरङका अध्यक्ष भीम घिमिरेले बताए । ‘एक्पो मुख्य रुपमा उपभोक्त र उत्पादकबिच सम्बन्ध स्थापित गर्ने आधार हो । उत्पादनबारे उपभोक्ताले सहज रुपले जानकारी पनि पाउने माध्याम हो ।’ उनले भने,‘सवै स्टलका कारोवार पनि अपेक्षा भन्दा राम्रो भयो ।’
एक्पोका कारण उपभोक्ता, उद्योगी र ब्यापारी एकैठाँउ जुट्ने अवसर प्राप्त भएको उपभोक्ता तथा व्यवसायीहरुले बताएका छन् । उनीहरुले वर्षेनी ब्यापार मेलालाई निरन्तरता दिन आग्रह समेत गरेका छन् । एक्स्पो आयोजनामा २ करोड बढीको खर्च भएको आयोजक समितिले जनाएको छ । प्रर्दशनीमा अन्तराष्ट्रिय उत्पादनका साथै मेचीदेखी महाकालीसम्मका नेपाली उद्योगहरुले आफ्ना उत्पादन प्रबद्र्धन र विक्रीकालागि ल्याएका थिए ।
एक्स्पोमा विभिन्न अफर र छुटको व्यवस्था गरिएको थियो । बालबालिकाका लागि विभिन्न मनोरञ्जनसाथै हरेक दिन सांगीतिक कार्यक्रम गरिएको थियो । हेलिकोप्टरबाट विराटनगर बजारको दृश्यावलोकन ‘हेलि सिटि टुर’ एक्स्पोको अर्को प्रमुख आकर्षण रहेको थियो । नोबेल मेडिकल कलेज मुख्य प्रायोजक रहेको एक्स्पोमा जुम्लाको स्याउ, मार्सी चामल, हिमाली उत्पादन, पोखराको पाउ, तेह्रथुमको ढाका, उदयपुरको खरायो, सप्तरीको पेडा, झापाको सुपारीका टपरी, इलामको ललिपप, भोजपुरको खुकुरीलगायतका आन्तरिक उत्पादन राखिएका थिए ।
विराटनगर । सातौं संस्करणको विराट गोल्डकप फुटबल प्रतियोगितामा आज शुक्रबार विभागीय टिम त्रिभूवन आर्मी र जावलाखेल युथ क्लब खेल्दैछन् । विराटनगरको सहिद मैदानमा रात्रीकालिन हुने गोल्डकपमा आज राती ७ बजे खेल सुरु हुनेछ । विराट...
विराटनगर । घरेलु टिम विराटनगर सिटी सातौं संस्करणको विराट गोल्डकप फुटबल प्रतियोगितामा विजयी सुरुआत गर्दै सेमिफाइनलमा पुगेको छ । सहिद रंगशालामा बिहीबार भएको उद्घाटन खेलमा पूर्व विजेता टिम नेपाल पुलिस क्लबलाई १–० गोलले निराश बनाउँदै...
विराटनगर । विराटनगर – ७ मा रहेको मेरिल्याण्ड कलेजमा अध्ययरत विद्यार्थीहरूका लागि योग कक्षा सञ्चालनमा ल्याएको छ । कलेजका कक्षा – ११ मा अध्ययरत विद्यार्थीहरुको लागि दुई दिने योग कक्षा बिहीबारदेखि संचालन गरिएको हो ।...
विराटनगर । नेपाल उद्योग वाणिज्य महासंघ कोसी प्रदेशको अध्यक्षमा राजेन्द्र राउत निर्विरोध निर्वाचित भएका छन् । झापाको विर्तामोडमा सम्पन्न प्रदेश अधिवेशनबाट राउत निर्वाचित भएका हुन् । मुख्य निर्वाचन अधिकृत पुनमकुमार गुप्ताले दिएको जानकारीअनुसार महासंघको उपाध्यक्षमा...
पत्रकारिताको नयाँ आयामको रुपमा न्युजबिराट डट कम उपस्थित भएको छ । जनताको सूचनाको हक स्थापित गर्ने र आवाजविहिनहरुको आवाज बलियो बनाउने उद्देश्यसहित हामी आएका हौं । सत्य र न्यायप्रतिको पक्षधरतासहितको स्वतन्त्र प्रत्रकारिता हाम्रो मिसन हो ।