बाबुराम भट्टराईको नयाँ पुस्तक बजारमा - News Birat

बाबुराम भट्टराईको नयाँ पुस्तक बजारमा

न्यूज विराट

काठमाडौं, २५ मंसिर-पूर्वप्रधानमन्त्री डा.बाबुराम भट्टराईको नयाँ पुस्तक ‘अर्थ-राजनीतिक विमर्श’ प्रकाशित भएको छ । पुस्तकमा भट्टराईले पछिल्लो समय लेखेका २२ आलेख समेटिएको छ, जसमा राजनीतिक ‘वाद’देखि भौतिक विज्ञान र समसामयिक वैश्विक घटनाक्रमहरू समेटिएका छन्  ।

पुस्तकका सन्दर्भमा भट्टराई भन्छन्, ‘पुराना पार्टीहरू र वैकल्पिक नयाँ शक्तिको खोजीमा लागिरहेकाहरू पनि मौजुदा गतिरोध र असामान्जस्यमा फसिरहेको सन्दर्भमा यो पुस्तकलाई वैचारिक बहसको थालनीको रूपमा लिएको छु ।’

पुस्तकमा डम्बर खतिवडाले भूमिकामा लेखेका छन्, ‘ ..यो पुस्तकले एक्काइसौँ शताब्दीको वैश्विक-वैचारिक परिवेशलाई बुझ्न र विशेषत: उतर-गणतान्त्रिक युगको नेपाली राजनीतिको भावी कार्यदिशा निर्धारण गर्न गहिरो अभिप्रेरणा दिनेछ ।’

‘अर्थ-राजनीतिक विमर्श’ पुस्तकले सबै खेमाका राजनीतिक अभियन्ता, विकास समृद्धिका आकांक्षी, नीति-निर्माता र विशेषत: जिज्ञासु युवालाई आवश्यक सन्दर्भ सामग्री र बौद्धिक खुराक प्रदान गर्ने सांग्रीला बुक्सकाे विश्वास छ ।  २ सय ७४ पृष्ठ लामाे पुस्तककाे मूल्य ४ सय ६४ रुपैयाँ राखिएकाे छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles