दिलिप महतोका हत्यारालाई फाँसीको माग गर्दै प्रदर्शन

 न्यूज विराट
दिलिप महतोका हत्यारालाई फाँसीको माग गर्दै प्रदर्शन

जनकपुर, पुस २६–अवैध उत्खननविरुद्ध सामाजिक रुपमै अभियान चलाएका युवा अभियन्ता दिलीपकुमार महतोको हत्याको विरोधमा जनकपुरधामका युवाहरुले शनिबार प्रदर्शन गरेका छन् । जनकपुरधामको रामानन्द चोकमा प्लेकार्ड बोकेर प्रदर्शनमा उत्रिएका युवाहरुले हत्यारालाई फाँसी दिनुपर्ने माग राखेका छन् । धनुषाको मिथिला नगरपालिका–५, श्रीपुरका दिलीपको शुक्रबार बिहान हत्या भएको थियो । हत्याको आरोपमा उद्योगी विपिन महतोलाई प्रहरीले पक्राउ गरेको छ ।

ढल्केबरस्थित चुरियामाई बालुवा गिट्टी प्रशोधन केन्द्रका सञ्चालक विपिन महतोले नै हत्या गराएको पीडित परिवारको आरोप छ । विपिन महतोलाई शनिबार बिहान १० बजे जनकपुरधाम–१, भानु चोकबाट पक्राउ गरिएको जिल्ला प्रहरी कार्यालय धनुषाले जनाएको छ । भारतको भोपालमा मेकानिकल इन्जिनियरिङको अन्तिम वर्षमा अध्ययनरत दिलिप १६ पुसमा विदामा घर आएका थिए । उनी पछिल्लो ५ वर्षदेखि समाजमा रहेका बेथितिविरुद्ध आवाज उठाउँदै आएका थिए । ‘दाई समाजमा रहेका बेथितिविरुद्ध आवाज उठाउँदै आएकाले क्रसर उद्योगीहरुको आँखामा कसिंगर बनिसकेका थिए’, बहिनी लक्ष्मीकुमारी महतोले बताइन् । लक्ष्मीका अनुसार साथी प्रकाश यादवको फोन आएपछि दिलीप बिहान ४ बजे घरबाट निस्किएका थिए । घरबाट निस्केको १५ मिनेट नबित्दै उनको हत्या भएको खबर प्राप्त भएको थियो

‘खबर सुन्ने बित्तिकै म खोला तर्फ दौडिएँ’ लक्ष्मीले भनिन्, ‘दाईलाई पहिल्यै हातपात गरेर हत्या गरिएको थियो, त्यसपछि दुर्घटनाजस्तो देखाउन ट्रिपरले किचिएको छ ।’ क्रसर उद्योगी विपिन महतो, स्थानीय प्रशासन, स्थानीय जनप्रतिनिधि, नगर प्रमुखको मिलेमतोमा विपिनको हत्या गरिएको पनि उनले दाबी गरिन् । दिलीपसँगै क्रसर उद्योगहरुको अवैध उत्खननविरुद्ध आवाज उठाउँदै आएका उनका साथी रोशनले भने भागेर ज्यान जोगाएको दिलिपकी कान्छी आमाका छोरा रजनीशकुमार महतोले बताए । दिलिपलाई पहिल्यैदेखि पटकपटक क्रसर उद्योगको विरोध बन्द नगरे हत्या गर्ने धम्की आउने गरेको पनि उनले बताए । दिलिपको हत्या भएपछि मिथिला नगरपालिका शुक्रबारबाट तनावग्रस्त छ।

सम्बन्धित समाचार

रोटरी क्लब अफ विराटनगर डाउनटाउनद्वारा दोस्रो चरणको बृक्षारोपण

विराटनगर, १ भदौ । विभिन्न सामाजिक कार्यहरु निरन्तर गर्दै आएको रोटरी क्लब अफ विराटनगर डाउनटाउनले वतावरण संरक्षणका लागि दोस्रो चरणमा पनि बृक्षारोपण गरेको छ । ‘आउने पुस्ताका लागि रुख रोपौँ’ भन्ने मुल नाराका साथ क्लबले...

इन्डोनेसिया भूकम्प : ८०० घाइते, १५ हजार विस्थापित

काठमाडौं, ३ माघ-इन्डोनेसियामा शुक्रबार गएको शक्तिशाली भूकम्पका कारण ८०० भन्दा बढी घाइते भएका छन् । भूकम्पका कारण अरु १५ हजार मानिस विस्थापितसमेत भएको अधिकारीहरूले शनिबार जानकारी दिएका छन् । देशको पश्चिम सुलावेसी प्रान्तमा ६.२ म्याग्नीच्युडको...

लकडाउनमा सक्रिय काठमाडौं महानगर : साढे ६८ हजारलाई राहात, २० हजारलाई नियमित भोजन

काठमाडौं, १५ वैशाख-काठमाडौं माहानगरपालिकाले लकडाउनको अवधिमा आफ्नो सक्रियता बढाएको छ । लकडाउन अवधिमा कतिपय विकास निर्माणका कामदेखि महानगरको सरसफाई र राहात वितरणमा सक्रियता बढाइएको काठमाडौं महानगरपालिका प्रमुख विद्यासुन्द शाक्यले बताए । महानगरप्रमुख शाक्यले ४५ औँ...

लक्ष्य प्राप्तिका लागि संघर्षरतका लागि खालि खुट्टा प्रेरणाको स्रोत

विराटनगर । निजी तथा आवासीय विद्यालय अर्गनाइजेशन (प्याब्सन) का पूर्व केन्द्रीय अध्यक्ष टिकाराम पुरीद्धारा लिखित पुस्तक ‘खाली खुट्टा’ लक्ष्य प्राप्तिका लागि संघर्ष गरिरहेकाहरुलाई प्रेरणाको स्रोत हुने साहित्यकारहरुले विश्वास ब्यक्त गरेका छन् । विराट साहित्य सङ‍‍्गमले...

बसको ठक्करबाट पैदल यात्रीको मृत्यु

विराटनगर, ९ पुस-धनकुटामा बसको ठक्रबाट एक जना पैदल यात्रीको मृत्यु भएको छ । धनकुटा नगरपालिका–९ रुद्रबारी पाँखा टोल बस्ने ५० बर्षीया गुणमाया राईको बसको ठक्करबाट मृत्यु भएको हो । बिहिबार बिहान धनकुटा–७ जिरो प्वाईन्टमा को...

देशकै नमुना क्षेत्र बनाउने जीवन आचार्यको प्रतिवद्धता

विराटनगर । मोरङ क्षेत्र नं. ६ (क) का गठबन्धन उम्मेद्वार जीवन आचार्यले आफ्नो निर्वाचन क्षेत्रलाई देशकै नमुना बनाउने प्रतिवद्धता जनाएका छन् । माओवादी केन्द्रका तर्फबाट प्रदेश सभाका लागि उम्मेदवार बनेका आचार्यले क्षेत्रको समग्र विकासमा अकल्पनीय...

भोलि संविधान संशोधन विधेयक संसदमा दर्ता हुने

काठमाडौं, १७ जेठ-भोलि संविधान संशोधन विधेयक प्रतिनिधि सभामा दर्ता हुने भएको छ । संसद सचिवालय सम्भावित कार्यसूचीको पहिलो नम्बरमा संविधान संशोधन विधेयकलाई राखेको छ । यसअघि भने सम्भावित कार्यसूचीमा राखेर अन्तिम समयमा हटाइएको थियो । प्रमुख...

‘एभरेष्ट कार्निभल ’ सुरू, विद्यार्थीले देखाए प्रतिभा

विराटनगर । विराटनगर – ५ स्थित एभरेष्ट सेकेण्डरी स्कुलमा ‘एभरेष्ट कार्निभल २.०’ सुरू भएको छ । एभरेष्ट कलेजको खेलमैदानमा शनिबारदेखि एभरेष्ट कार्निभल सुरु भएको हो । कार्निभलको पहिलो दिन एभरेष्ट कलेज परिसरमा कक्षा २ देखि...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्