विराटनगर । विराटनगरमा रहेको विराट नर्सिङ होम र विराट मेडिकल कलेजले प्याब्सन मोरङमा आवद्ध सदस्यहरुको सहुलियतमा उपचार गरिदिने भएको छ । सहुलियतमा उपचार गर्नको लागि प्याब्सन र विराटबीच बुधबार सम्झौता भएको छ ।

सम्झौता पत्रमा हस्पिटलको तर्फबाट सिइओ डा. निकिता कार्की र प्याब्सनको तर्फबाट मोरङका अध्यक्ष प्रेमलाल सिंह सुवालले गरेका छन् ।
प्याब्सन मोरङमा २४० भन्दा बढी निजी विद्यालय आवद्ध रहेको छ । आवद्ध भएका विद्यालयका संचालक र कर्मचारीहरुलाई हस्पिटलले सहुलियतमा उपचार गर्ने सम्झौता गरेको प्याब्सन मोरङका अध्यक्ष सुवालले जानकारी दिए । सम्झौता अनुसार ओपीडि निःशुल्क रहेको छ । ल्याबमा अन्य विभिन्न सेवाहरुमा छुट विशेष छुट योजना ल्याएको छ ।
सम्झौता कार्यक्रममा प्याब्सनका केन्द्रीय उपाध्यक्ष राजेश कुमार दास, प्याब्सन मोरङका कोषाध्यक्ष विष्णु डंगोल, विराटनगर उपाध्यक्ष अर्जुन श्रेष्ठलगायतको उपस्थिती रहेको थियो ।
प्याब्सन मोरङले यस अघि पनि न्यूरो हस्पिटलसँग सम्झौता गरेर सौलियतमा प्याब्सन आवद्ध सदस्यहरुको सहुलियतमा उपचार गर्दै आएको छ ।