विराटनगर । विएचएम चौथो सेमेस्टरको परीक्षामा कोशी प्रदेश टप गर्ने विराटनगर ९ मा रहेको हिमालय दर्शन कलेजमा अध्ययरत विद्यार्थीलाई सम्मान गरिएको छ ।

कोशी प्रदेशबाट उत्कृष्ट नतिजा ल्याउने राम कृष्ण खत्री क्षत्री र प्रदेशमै दोस्रो नतिजा ल्याउने आदित्य चाम्लिङ राईसहित ८ जना विद्यार्थीहरुलाई सम्मान गरेको हो ।

उनीहरुलाई कलेजले आइतबार एक कार्यक्रम आयोजना गरी सम्मान गरेको छ ।
विएचएम चौथो सेमेस्टरको त्रिविले हालै प्रकाशित गरेको परीक्षाफलमा ३.९५ जिपिए ल्याई कोशी प्रदेशमै टप क्षेत्रीले र ३.९२ जिपिए ल्याई कोशी प्रदेशमै दोस्रो हुन सफल राई रहेको कलेजले दाबी गरेको छ । यसैगरी उत्कृष्ट नतिजा ल्याउने अमन साह, निशु गौतम, कृतिका थापा, संजित थापा,सुमन भुजेल र प्रमोद कुमार पोखरेललाई पनि कलेजले सम्मान गरेको छ ।
सम्मानित उत्कृष्ट परीक्षाफल ल्याउने विद्यार्थीलाई कलेजले नियमानुसार छात्रवृति समेत दिने क्याम्पस प्रमुख भरत सापकोटाले जानकारी दिए ।

सम्मानित विद्यार्थीलाई कलेजका डाइरेक्टर शैलेन्द्र सिवाकोटी र भेषराज पोखरेल, को अर्डिनेटर भुपाल मिश्र, सुमित साह, कुशल निरौला र अन्जु भुजेल लगायत शिक्षकहरुले समेत सम्मान गरेका थिए ।

कोशी प्रदेशमै यस कलेज विएचएम, विआइएम, बिसिए, वियससि÷सियसआइटी.र विवियस अध्ययन हुने गरेको छ । गुणस्तरीय शिक्षासँगै रोजगारमुखि शिक्षा प्रदान गरेपछि हिमालय दर्शन कलेज विद्यार्थीको रोजाइमा पर्दै आएको छ ।
सोही अवसरमा बिएचएम अध्ययन गर्दै आएका विद्यार्थीहरुले आइतबार फुट टेस्ट कार्यक्रम पनि आयोजना गरेको छ । बिएचएम चौस्था सेमिस्टरका विद्यार्थीहरुले बनाएको फुट टेस्ट अतिथिहरुलाई चखाएका थिए ।