विराटनगर । विराटनगरस्थित न्यूरो हस्पिटलले श्रमिकको सौलियतमा उपचार गरिदिने भएको छ । १३५ औं अन्तर्राष्ट्रिय श्रमिक दिवसको अवसर पारेर न्यूरो हस्पिटलले श्रमिकहरूको सौलियतमा उपचार गरिदिने भएको हो ।

न्यूरो हस्पिटल र जिफन्ट कोशी प्रदेशबीच बुधबार सहमति भएको छ । सम्झौता पत्रमा हस्ताक्षर जिफन्टको तर्फबाट प्रदेश अध्यक्ष किशोर धमला र न्यूरो अस्पतालको तर्फबाट अपरेशनल डाइरेक्टर राजेश भट्टराईले गरेका छन् ।
सहमति अनुसार जिफन्टमा आवद्ध भएका श्रमिकहरूको ओपीडि निःशुल्क, ल्याब परीक्षणमा २५ प्रशितसम्म छुट दिने भएको छ ।
न्यूरो अस्पतालले यसअघि पनि विभिन्न सामाजिक संघसंस्थाहरुसँग सौलियतमा उपचार गरिदिने सम्झौता गरिसकेको छ । कार्यक्रममा बोल्दै जिफन्ट कोशी प्रदेश अध्यक्ष किशोर धमालले श्रमिकको सौलियतमा उपचार सेवाले हस्पिटलले ठूलो सहयोग पुग्ने बताए ।