विराटनगर । नेपाल आयुर्वेद स्वास्थ्यकर्मी समाज कोशी प्रदेशले होली पर्वको अवसरमा शुभकामना आदानप्रदान कार्यक्रम आयोजना गरेको छ । समाजले विराटनगरमा एक कार्यक्रम आयोजना गरी शुभकामना आदान प्रदान गरेको हो ।

सोही अवसरमा क्यालेन्डर विमोचन पनि गरिएको छ । कार्यक्रम संस्थाको अध्यक्ष बैजनाथ साहको अध्यक्षतामा उक्त कार्यक्रम भएको थियो । कार्यक्रममा संस्थाको केन्द्रिय वरिष्ठ उपाध्यक्ष महेश थापाको प्रमुख आतिथ्यमा कार्यक्रम भयो ।

कार्यक्रममा जिल्ला कार्यसमिती मोरङको सचिव सरिता श्रेष्ठ चौधरी रअमृता भण्डारीको उपस्थिती रहेको थियो । सोही अवसरमा सरिता श्रेष्ठ नेपाल आयुर्वेद औषधि व्यवसायी संघ मोरङको सचिव र उधमशिल महिला महासंघको जिल्ला अध्यक्ष जस्तो गरिमामय पदमा निर्वाचित भएकोमा सम्मान गरिएको थियो ।

कार्यक्रममा सल्लाहकार समितिका सदस्यहरू डा. सरोज प्रसाद विशाल,महेश थापा र उर्मिला ढकाललाई सम्मान गरिएको छ ।