विराटनगर । प्याब्सन प्रेसिडेन्ट कप यू – १५ फुटबल प्रतियोगितामा मोरङको रंगेली नगरपालिका १ मा रहेको सनरे बोडिङ स्कुल छनौट भएको छ ।
नगर स्तरीय छनोट चरणमा बालदेवदुत बोर्डिङ स्कुललाई पेलान्टी सुटआउटमा २–१ गोलले हराउँदै सनरे बोर्डिङ स्कुल जिल्ला स्तरीय प्याब्सन प्रेसिडेन्ट कप यू–१५ फुटबलमा छनोट भएको हो ।

प्याब्सन मोरङले माघ २६ गतेदेखि विराटनगरमा सुरु हुने १३ औं प्याब्सन स्पोर्ट्स मिटमा खेल्न पाउने भएको छ । उक्त प्रतियोगितामा मोरङको १७ वटै स्थानीय तहबाट छनोट भएका विद्यालयहरुबीच प्रतिस्पर्धा हुनेछ ।
छनोट चरणमा रंगेली नगरपालिका भित्रका १२ वटा विद्यालयको सहभागिता रहेको थियो । बिजेता हुने खेलाडीहरुलाई प्याब्सन मोरङका अध्यक्ष प्रेमलालसिंह सुवाल, कोषाध्यक्ष विष्णु डंगोल र नगर प्याब्सन अध्यक्ष सूर्य प्रसाद गौतमले ट्रफि तथा प्रमाणपत्र वितरण गरेका थिए ।