थप १९८० जनामा कोरोना पुष्टि, निको हुनेको संख्या २ लाख नाघ्यो - News Birat

थप १९८० जनामा कोरोना पुष्टि, निको हुनेको संख्या २ लाख नाघ्यो

न्यूज विराट

काठमाडौं, ८ मंसिर-नेपालमा पछिल्लो २४ घण्टाको अवधिमा थप १ हजार ९८० जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार ३८१ जनाको पीसीआर परीक्षण गराउँदा सो संख्यामा संक्रमित थपिएका हुन् । संक्रमित हुनेमा ७८९ जना महिला रहेका छन् भने १ हजार १९१ जना महिला रहेका छन् ।

त्यस्तै, ३ हजार ४३ जना निको भएको मन्त्रालयले जानकारी दिएको छ । योसँगै निको हुनेको संख्या २ लाख नाघेको छ । मन्त्रालयका अनुसार संक्रमण पुष्टि भएर निको हुनेको संख्या २ लाख २ हजार ६७ पुगेको छ ।

अहिलेसम्म १६ लाख ७० हजार ४५६ जनाको पीसीआर गर्दा २ लाख २२ हजार २८८ जनामा संक्रमण पुष्टि भएको छ । संक्रमितमध्ये १८ हजार ८ सय ८४ जना सक्रिय संक्रमित रहेका छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles