विराटनगर । विराटनगर–१४ मलायरोडमा अवस्थित काठमाण्डौं विश्वविद्यालयको साझेदारी कार्यक्रमको रुपमा सञ्चालित एस्पायर कलेजले भर्ना भएका नयाँ विद्यार्थीहरुलाई अभिमुखकरण गराएको छ ।

शैक्षिक सत्र २०२३ मा बि.पि.एच. तथा बि.टेक.एड.आईटीमा भर्ना भएका ६१ जना नयाँ विद्यार्थीहरुलाई इटहरीस्थित होटल सोल्टी वेस्टइन्डमा अभिमुखिकरण गराएको हो । बि.पि.एच. कार्यक्रममा २६ जना र बि.टेक.एड.आईटी कार्यक्रममा ३५ जना गरी ६१ जना विद्यार्थीहरुको अभिमुखिकरण कार्यक्रममा सहभागि भए ।
कलेजका अध्यक्ष बिकास अधिकारीले एस्पायर कलेजले रोजगारमुखी शिक्षा प्रदान गरी एक नमुना कलेज बन्ने बताए । विद्यार्थीको भाग्य र भविष्यप्रती केही कसर बाँकी नराख्ने उनले बताए । कलेजमा अध्ययनरत बि.पि.एच.का विद्यार्थी आफ्नो अध्ययनको दास्रो सेमेष्टरबाटनै विभिन्न पाँच तारे होटलमा ईटर्नसिप पाएझैं आई. टी. कार्यक्रम अध्ययनरत विद्यार्थीका लागि पनि रोजगारको अवसर हुने उनले बताए । निकट भविष्यमा आई.टी कम्पनी खोल्ने अध्यक्ष अधिकारीले घोषणा गरे ।
स्थापना भएको दुई वर्षमात्र भएको भएता पनि कलेजका संचालक एवं कार्यक्रम संयोजकहरुको शिक्षा क्षेत्रमा लामो अनुभव भएको हुनाले एस्पायर कलेजले राम्रो प्रगती गरेको कलेजका प्रिन्सिपल सि.एम. बस्नेतले बताए ।

कार्यक्रममा नयाँ विद्यार्थीहरुलाई काठमाण्डौं विश्वविद्यालय स्कुल अफ मेनेजमेण्टका डीन प्रा.डा. विजय के.सी र स्कुल अफ एजुकेशनका डीन प्रा.डा. बाल चन्द्र लुईटेलले ब्याच वितरण गरेर स्वागत गरे । कार्यक्रममा बोल्दै स्कुल अफ मेनेजमेण्टका डीन प्रा.डा. विजय के.सीले एस्पायर कलेजमा भर्ना भएका नव आगन्तुक विद्यार्थीहरुलाई शुभकामना दिए ।

कलेजका अध्यक्ष बिकास अधिकारीको अध्यक्षतामा आयोजित उक्त कार्यक्रममा काठमाण्डौं विश्वविद्यालय स्कुल अफ मेनेजमेण्टका डीन प्रा.डा. विजय के.सी, स्कुल अफ एजुकेशनका डीन प्रा.डा. बाल चन्द्र लुईटेल, मनमोहन टेक्निकल विश्वविद्यालयका ईन्जिनियरिङका डीन प्रा.डा. प्रचण्डमान प्रधान, काठमाण्डौं विश्वविद्यालय स्टिम एजुकेशनका प्रमुख बिनोद प्रसाद पन्त, काठमाण्डौ विश्वविद्यालय स्कुल अफ मेनेजमेण्ट, अण्डर ग्राजुएट हस्पिटालिटी कार्यक्रमकी संयोजक आशा थापा मगर र ए.सि.इ.ए. का डाईरेक्टर ब्रजेश मिस्रको सहभागिता रहेको थियो ।
कलेजका डाईरेक्टर सुबास आचार्य, प्रतिक राउत, प्रत्युष राउत, अभिभावक, शिक्षक–शिक्षिका , तथा विद्यार्थीहरुको उपस्थिती थियो ।