'आर्थिक क्षेत्र सवल बने मात्र राजनीतिक उपलब्धिको रक्षा सम्भव' - News Birat

‘आर्थिक क्षेत्र सवल बने मात्र राजनीतिक उपलब्धिको रक्षा सम्भव’

न्यूज विराट
काठमाडौं, २७ कात्तिक-अर्थमन्त्री विष्णु पौडेलले राजनीतिक क्षेत्रमा प्राप्त उपलब्धिको भविष्य आर्थिक क्षेत्रसँग जोडिएको बताएका छन् ।निर्यात व्यवसायी महासंघ नेपालका प्रतिनिधिसँगको भेटमा अर्थमन्त्री पौडेलले आर्थिक क्षेत्र सबल बनाउन सके मात्रै राजनीतिक उपलब्धिको रक्षा गर्न सम्भव हुने बताए । राजनीतिक उपलब्धिमा मात्रै गौरब नगरी उत्पादनमा वृद्धि, रोजगारीका अवशर सिर्जना गरी सुदृढ अर्थतन्त्र निर्माण गर्नुपर्ने उनले बताए ।

रोजगारी सिर्जना र उत्पादनमा वृद्धि गरी आर्थिक क्षेत्र सबल र शक्तिशाली बनाउनु अहिलेको साझा विषय भएको उल्लेख गर्दै उनले भने, ‘आर्थिक क्षेत्रमा गर्ने उपलब्धिको जगमा विगतमा प्राप्त गरेका राजनीतिक उपलब्धिको भविष्य निर्भर छ । त्यो मैले महसुस गरेको छु । त्योसँगै उत्पादन वृद्धि, रोजगारी सिर्जना, सबल र शक्तिशाली अर्थतन्त्रको निर्माण अहिलेको साझा राष्ट्रिय सरोकारको विषय हो ।’ सरकार र निजी क्षेत्र एउटै डुंगाका यात्री हुन भन्ने मान्यताका साथ अगाडि बढ्ने प्रतिबद्धता पनि उनले जनाए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles