विराटनगर । त्रिभुवन विश्वविद्यालयले हालै प्रकाशित गरेको बीबीएस चौथो वर्षको परीक्षाको नतिजामा विराटनगर–७ स्थित मेरिल्याण्ड कलेजका छात्र प्रवेश पौडेलले नेपाल प्रथम गरेको दाबी गरिएको छ । नेपालले ८१.६ प्रतिशत अंक ल्याएर नेपाल प्रथम भएको कलेजले दाबी गरेको हो ।

जम्मा ८४ जना विद्यार्थी सामेल भएकोमा डिस्टीक्सन अंक ल्याई ८ जना, प्रथम श्रेणी ३८ जना र दोश्रो श्रेणीमा २२ जना उतिर्ण सहित ८१ प्रतिशत विद्यार्थी उतिर्ण गराउन सफल भएको कलेजका प्रिन्सिपल लक्ष्मण ढकालले जानकारी दिए ।

यस अघि गत वर्ष पनि सिम्रन अग्रवालले वि वि एस चौथो वर्षको रिजल्टमा ८१.२ प्रतिशत अंक ल्याई नेपाल प्रथम भएकी थिइन् । त्यस्तै २०७६ सालमा पनि वि वि एस चौथो वर्षमा छात्र रोहित कार्कीले ८३ प्रतिशत अंक ल्याई नेपाल प्रथम भएका थिए । यसै गरी २०७८ सालमा राष्ट्रिय परीक्षा बोर्डद्वारा लिएकोे कक्षा –१२ को परीक्षामा दिया अग्रवालले नेपालकै उच्च ३.९९ जी पी ए ल्याई नेपाल प्रथम भएकी थिईन् ।

मेरिल्याण्डको उत्कृष्ट रिजल्ट आउनुमा कलेजको उत्कृष्ट शैक्षिक वातावरण भएको वि वि एस चौथो वर्षमा ८०.८ प्रतिशत ल्याई तेश्रो वर्षमा पनि कोशी प्रदेशमै उच्च् अंक ल्याउने छात्रा कृति बोहोराले बताइन् । प्रवेश पौडेल हाल मेरिल्याण्ड सि ए मा क्याप वन र क्याप टु उतिर्ण गरि क्याप थ्री मा अध्यनरत छन् । मेरिल्याण्ड कोशी प्रदेशकै उत्कृष्ट व्यवस्थापन अध्यापन गराउने शैक्षिक संस्था मानिन्छ ।