विराटनगर । जिया भगत र प्रश्रय विष्ट ग्रेडेड सिंगिङ्ग स्टारको उपाधि जितेका छन् । विराटनगरस्थित गेडेड बोर्डिङ स्कुलले बिहीबार स्कुल परिसरमा आयोजना गरेको ग्र्रेडेड सिंगिङ स्टारमा कक्षा १ देखि ५ सम्म जिया र कक्षा ६ देखि १० सम्म अध्ययरत विद्यार्थीहरुबीच आयोजना गरिएको प्रतियोगितामा प्रश्रय प्रथम भएको हो ।

१ देखि कक्षा ५ सम्म अध्यनरत विद्यार्थीहरुबीच भएको प्रतियोगिताको द्धितीय सिम्रन सुवेदी घोषित भइन् । ६ देखि कक्षा १० सम्म अध्ययरत विद्यार्थीहरुबीच भएको प्रतियोगिताको द्धितीय कृतिका यादव र तृतीय सुवाश्ना श्रेष्ठ भए ।

प्रतियोगिताको निर्णायकमा गायक तथा संगीतकार प्रवलदिप विश्वास रहेका थिए । विजेताहरुलाई विद्यालयका प्राचार्य प्रेमलाल सिंह सुवाल आकर्षक पुरस्कार र प्रमाणपत्र प्रदान गरेका थिए । कार्यक्रममा विद्यार्थीहरुले नृत्य पनि प्रस्तुत गरेका थिए । समय समयमा विद्यालयले विभिन्न आतिरिक्त कृयाकलाप गर्दै आएको प्राचार्य सुवालले जानकारी दिए ।

गायन प्रतियोगितामा कक्षा १ देखि कक्षा १० सम्मका ३२ विद्यार्थी सहभागी भएका थिए । विद्यार्थीहरुलाइ कक्षा १–५ र कक्षा ६–१० को दुई समुहमा विभाजन गरिएको थियो ।