विराटनगर । विराटनगर– ७ मा रहेको मेरिल्याण्ड कलेजले २० औं वार्षिकोत्सव मनाएको छ । शनिबार एक कार्यक्रम आयोजना गरी कलेजले वार्षिकोत्सव मनाएको हो ।

कार्यक्रममा हिसान तथा आन्तरिक परीक्षामा उत्कृष्ट हुने विद्यार्थी तथा आन्तरिक खेलकुदमा विजेता खेलाडि विद्यार्थीलाई पुरस्कार तथा प्रमाण पत्र वितरण गरिएको थियो ।

सिए कोर्षको परीक्षाको नतिजामा गोल्ड मेडल ल्याउन सफल मेरिल्याण्ड कलेजकी पूर्व विद्यार्थी शालु अग्रवाललाई कलेज नगद ११ हजार सहित सम्मान गरिएको छ ।

कलेजका उपाध्यक्ष प्राडा. पिके झाले आफ्ना मातापिताको नाममा राखिएको योगानन्द जहानदेवी छाज्ञवृति कलेजका प्रिन्स भगत र क्रिस्टीना निरौलालाई वितरण गरिएको छ । सम्मानित हुने विद्यार्थीहरुलाई मोरङका प्रमुख जिल्ला अधिकारी तिर्थराज भट्टराई, सांसद लिला बल्लभ अधिकारी, कलेजका उपाध्यक्ष प्राडा. पिके झा र प्रिन्सिपल लक्ष्मण ढकालेले सम्मान गरेका थिए । कार्यक्रममा बोल्दै कलेज प्रमुख ढकालले गुणस्तरीय शिक्षासँग रोजगारमुखी शिक्षा मेरील्याण्डले प्रदान गर्दै आएको बताए । उनले विद्यार्थीहरुलाई गुणस्तरीय शिक्षा प्रदानमा कुनै कसुर बाँकी नराखेको बताए । कलेजका अध्यक्ष गुणराज ढुंगेलको सभापतित्वमा उक्त कार्यक्रम भएको थियो । व्यवस्थापन शिक्षामा मेरील्याण्ड कलेज काशी प्रदेशको उत्कृष्ट कलेजमा पर्ने गरेको छ ।

यसैगरी गाैतम सेवा समितिले कक्षा ११ मा टप गर्ने दिया अग्रवाललाई १८ हजार ५ सय रुपैयाँसहित सम्मान गरेकाे थियाे ।