विराटनगर, चैत ११–कतारबाट एक हप्ता अगाडी नेपाल आएका दुई जना युवामा विराटनगर स्थित कोशी अञ्चल अस्पतालले कोरोना भाइरस (कोभिड—१९) को संक्रमण आशंका गरेको छ ।

चैत ३ गते कतारबाट नेपाल आएका २५ वर्षिय नेपाली दुइ जना युवामा मंगलबार कोशी अस्पतालले कोरोना संक्रमणको आशंका गरेको हो । सप्तरी जिल्लाका एक युवा र विराटनगरकी एक युवतीमा कोरोना संक्रमणको आशंका गरिएको कोशी अस्पतालका कोरोना व्यवस्थापन समितिका संयोजक डा.लक्ष्मी नारायण यादवले जानकारी दिए ।

कोरोना संक्रमणको आशंका गरिएका दुवैजनालाई आइसोलेनमा राखिएको उनको भनाइ छ । उनले दुवैजना विरामीको नमुना संकलन गरी परिक्षणका लागि काठमाडौंैस्थित शुक्रराज ट्रपिकल तथा सरुवा रोग अस्पतालमा पठाइएको जानकारी दिए । उनले नमुना परीक्षणको परिणाम ३ दिन पछि आउने जानकारी दिए ।