कोरोना संक्रमणबाट पूर्वसभामुख महरा पत्नी सीताको निधन - News Birat

कोरोना संक्रमणबाट पूर्वसभामुख महरा पत्नी सीताको निधन

न्यूज विराट
काठमाडौं, १९ कात्तिक-कोरोना संक्रमणबाट पूर्वसभामुख कृष्णबहादुर महराकी पत्नी सीताको निधन भएको छ । भेन्टिलेटरमा उपचारका क्रममा पत्नी सीता महराको ५९ वर्षमा बुधबार बिहान ६ः१५ मा निधन भएको हो । उनी माइस्थेनिया नामक रोगबाटसमेत विगत १० वर्षदेखि पीडित थिइन् ।

दसैंमा गृहजिल्ला रोल्पाको मेबाङ गएको बेला स्वास्थ्यमा सामान्य समस्या देखिएपछि उनलाई कार्तिक १३ गते दाङस्थित गोर्खा अस्पतालमा भर्ना गरिएको थियो। निमोनिया र स्वासप्रश्वासको समस्या देखिएपछि कात्तिक १४ गते शुक्रबार हेलिकोप्टरबाट काठमाडौं ल्याई नर्भिक हस्पिटलमा भर्ना गरिएको तत्कालिन सभामुखका प्रेस सल्लाहकार डिल्ली मल्लले जानकारी दिए ।

मल्लका अनुसार नर्भिक हस्पिटलमा पीसीआर टेष्ट गर्दा कोरोना पोजेटिभ देखिएको थियो। अवस्था गम्भीर भएपछि गत कात्तिक १५ गतेदेखि उनलाई भेन्टिलेटरमा राखेर उपचार सुरु गरिएको थियो । महराका दुई छोरा र दुई छोरी रहेका छन्। कृष्णबहादुर महरासँग सीताको उनको २०३५ सालमा विवाह भएको थियो।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles