विराटनगर । विराटनगरस्थित न्यूरो कार्डियो एण्ड मल्टिस्पेसियालिटी हस्पिटलले नेपाल पत्रकार महासंघ प्रदेश नम्बर १ का पत्रकारहरूको उपचार निःशुल्क र विभिन्न सेवाहरुमा छुटसहितको स्वास्थ्य सेवाहरुमा सहुलियत दिएको छ ।

अस्पतालले पत्रकारको उपचारमा सहुलिए दिएपछि न्यूरो र पत्रकार महासंघबीच सम्झौता गरेको छ । मंगलबार अस्पताल र पत्रकार महासंघ प्रदेश नम्बर १ बीचसम्झौता भएको हो ।

अस्पतालको तर्फबाट सम्झौता पत्रमा अपरेशन डाइरेक्टर राजेश भट्टराई र पत्रकार महासंघ प्रदेश नम्बर १ को तर्फबाट लिलाबल्भ घिमिरेले हस्ताक्षर गरेका छन् । अस्पतालले पत्रकार महासंघमा आवद्ध भएका सदस्यहरुको ओपिडी, आकस्मिक, एम्बुलेन्स, प्थाथोलोजी, एक्सरे, अल्ट्रासाउन्ड, इसिजी, इन्डोस्कोपी, बेड चार्ज, फिजियोथेरापी, इको सेवाहरू निःशुल्क रहेको अस्पतालका अपरेशन डाइरेक्टर राजेश भट्टराईले जानकारी दिए ।