विराटनगर । विराटनगरस्थित कोवास कलेजमा युकेको एसीसीए कोर्ष पढाई हुने भएको छ । यही नयाँ शैक्षिक शत्रबाट उक्त कोर्ष कोवासमा सुरु गर्ने भएको हो ।
नयाँ कोर्ष कलेजमा संचालन गर्ने भएपछि शनिबार विद्यार्थीहरुलाई जानकारी दिनको लागि अभिमुखिकरण कार्यक्रम आयोजना गरिएको थियो । कोवासमा एसीसीए अध्ययनको लागि ५१ जना विद्यार्थी भर्ना भएको कलेजका प्रिन्सिपल सुनिल कुमार श्रेष्ठले जानकारी दिए । अभिमुखिकरण कार्यक्रममा ३५० भन्दा बढी विद्यार्थीहरुको सहभागिता रहेको थियो ।
अभिमुखिकरण कार्यक्रमको सहजिकरण चाटर एकाउनटेन्ड अश्विनी ठाकुर, कोवास कलेजका एसीसीए डाइरेक्टर रंजीत साह, रवि साहले विद्यार्थीहरुलाई एसीसीएको बारेमा जानकारी गराएका थिए ।

उक्त कार्यक्रमको प्रमुख अतिथि पूर्वाञ्चल विश्व विद्यालयका प्रथम रजिष्ट्रार डा. भेषप्रसाद धमला रहेका थिए । विशिष्ट अतिथिमा नेपाल राष्ट्र बैंक कोशी प्रदेशका प्रमुख बुद्ध राज शर्मा रहेका थिए । त्यसैगरी प्रभु बैंक कोशी प्रदेशका प्रमुख बद्री कटुवाल, उद्योग संगठन मोरङका अध्यक्ष राकेश सुरना, सिद्धार्थ बैंक कोशी प्रदेशका प्रमुख कमल बस्नेत, प्याब्सन विराटनगरका अध्यक्ष मोहन बुढाथोकी लगायतको उपस्थिती रहेको थियो ।
सो कार्यक्रमको अध्यक्षता कोवास कलेजका प्रिन्सिपल सुनिल कुमार श्रेष्ठले गरेका थिए ।