विराटनगर । मोरङको कानेपोखरी गाउँपालिका – ६ मुलगाउँमा रहेको सरस्वती आधरभूत विद्यालयमा ५१ हजार १५५ रुपैयाँको अक्षयकोष स्थापना गरिएको छ ।

स्थानीय ढाकाबहादुर पुरीले आफ्नो बुवा, आमा र छोरीको नाममा अक्षयकोष स्थापना गरिदिएका हुन् । कोषको नाम ‘चन्द्र, जोगमाया र संगीता पुरी’ अक्षयकोष रहेको छ ।
कोषमा राखेको रकमको ब्याजबाट आउने वार्षिक आम्दनीबाट सरस्वती स्कुलमा अध्ययत जेहन्दार विद्यार्थीलाई पुरस्कृत गरिने सरस्वती आधरभूत विद्यालयका व्यवस्थापन समितिका अध्यक्ष खगेन्द्र बराईलीले जानकारी दिए । कोषमा राख्ने रकम पुरीले एक कार्यक्रम आयोजना गरी विद्यालयका प्रधानध्यापक चन्द्र मगर, व्यवस्थापन समितिका अध्यक्ष बराईलीलाई चेक हस्तान्तरण गरेका थिए । कार्यक्रममा कानेपोखरी गाउँपालिका ६ का वडाअध्यक्ष खड्ग बस्नेत, विद्यालयका शिक्षक र अभिभावकहरूको सहभागिता रहेको थियो ।
सरस्वती आधभूत विद्यालयमा यसअघि पनि समाजसेवा तथा अभिभावकहरूले अक्षयकोष स्थापना गरिदिएका छन् । उक्त कोषबाट प्रत्येक वर्ष जेहन्दार विद्यार्थीहरूलाई विद्यालयले पुरस्कृत गर्दै आएको छ ।