विराटनगर । मोरङको निर्वाचन क्षेत्र नं. ५ को प्रतिनिधी सभा सदस्यी पदमा नेकपा एमालेका योगेन्द्र मण्डलको बागी उम्मेदवारी परेको छ । मण्डलले आइतबार दिउँसो निर्वाचन अधिकृतको कार्यालयमा पुगेर स्वतन्त्र उम्मेदवारी दर्ता गराएका हुन् ।

उनी लघुवित्त संस्था जीवन विकास समाजका संस्थापक हुन् । उनले निर्वाचनको लागि लामो समयदेखि तयारी गर्दै आएका थिए । जनता समाजवादी पार्टीसँग एमालले गठबन्धन गरेपछि उनलाई पार्टीले टिकट दिएको थिएन । पार्टीले टिकट नदिएपछि मण्डलले स्वतन्त्रबाट उम्मेद्वारी दिएका हुन् ।
जनता र कार्यकर्ताको भावनाको कदर गर्दै आफूले उम्मेदवारी दिएको बताए । उनले अझै पनि समय रहेको भन्दै नेताहरुले सोच्नुपर्ने बताए ।
उक्त क्षेत्रबाट जसपाले पार्टीका प्रदेश १ उपाध्यक्ष तथा जिल्ला अध्यक्ष राजकुमार यादवलाई उम्मेद्वार बनाएको छ ।

मोरङ ५ (ख) मा पनि एमालेबाट निवर्तमान प्रदेश सांसद बसन्तिदेवी यादवले हाम्रो नेपाली पार्टीबाट उम्मेदवारी दर्ता गराएकी छन् । एमालेले जसपासँग गठबन्धन गरेकाले टिकट नपाउने भएपछि पार्टी परिवर्तन गरेर उम्मेद्वारी दिएको उनले बताइन् ।