गण्डकी प्रदेशमा थप १० जनामा कोरोना संक्रमण थप - News Birat

गण्डकी प्रदेशमा थप १० जनामा कोरोना संक्रमण थप

न्यूज विराट

पोखरा, २० जेठ-गण्डकी प्रदेशमा थप १० जनामा कोरोना संक्रमण देखिएको छ । नयाँ संक्रमित स्याङ्जा र पर्वत जिल्लामा हुन् । स्याङ्जाको चापाकोट नगरपालिका घर भई सोही नगरपालिकाको क्वारेन्टाइनमा रहेका २२, २६, ३२, ४० बर्षका ४ जना पुरुष र बिरुवा गाउँपालिका घर भएका २० वर्षीय १ युवकमा कोरोना पुष्टि भएको हो ।

त्यस्तै, पर्वतको फलेवास नगरपालिका घर भएर कुश्मा नगरपालिकाको क्वारेन्टाइनमा रहेका २० र ४० वर्षीय २ जना पुरुष र महाशिला गाउँपालिका ठेगाना भएर कुश्मा नगरपालिकास्थित क्वारेन्टाइनमा रहेका १९, २० र २१ वर्षीय ३ जना युवकमा कोरोना संक्रमण पुष्टि भएको छ । पर्वतमा कोरोना भाइरस संक्रमित पहिलो पटक भेटिएका हुन् ।

उनीहरू सबैलाई अहिले जिल्ला अस्पतालको आइसोलेसनमा लैजाने तयारी भइरहेको स्वास्थ्य निर्देनालय गण्डकीका निर्देशक विनोदविन्दु शर्माले जानकारी दिए ।

पोखरा स्वास्थ्य विज्ञान प्रतिष्ठानको प्रयोगशालामा गरिएको परीक्षणमा कोरोना पुष्टि भएको हो । यो सँगै गण्डकी प्रदेशमा कोरोना संक्रमितको संख्या ३७  पुगेको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles