विराटनगर । प्रवासी नेपाली मञ्च (ओएनएफ) अष्ट्रेलियाको हालै सम्पन्न पाचौ अधिवेशनबाट पश्चिम अस्ट्रेलियाका भैरब ढकाललाई सल्लाहकार रुपमा चयन भएका छन् । अधिवेशनले राष्ट्रिय कमिटीको प्रथम बैठकले राज्य कमिटी इन्चार्ज, पव्लिक रिलेसन अफिसर सहित विभागीय प्रमुखहरु तोकिएको छ ।

मञ्चका अन्तर्राष्ट्रिय कमिटी सचिव रमेश पाण्डेको प्रमुख आतिथ्य र अन्तर्राष्ट्रिय कमिटी सदस्य तथा ओशियाना ईन्चार्ज डा. विनोद श्रेष्ठको बिषेश आतिथ्य, ओशियाना अध्यक्ष राजु उपाध्याय र सचिव रमेश पौडेलको आतिथ्यमा भएको बैठकले सल्लाहकार समितिको प्रमुखमा डा. जगदिश तिमिल्सिना रहेका छन् । यसैगरि सदस्यहरुमा धर्म राज अधिकारी, भवानी ओली, चन्द्र योन्जन, महेन्द्र बहादुर कार्की, होम पाण्डे, डा।हेमाङ्ग शर्मा, डा. राम आचार्य, भैरब ढकाल, शिशिर नेपाललाई नियुक्त गर्ने निर्णय गरेको हो ।

भर्चुअल माध्यमबाट भएको बैठकले पब्लिक रिलेशन अफिसरमा मञ्चका सचिव प्रकाश पन्थीलाई नियुक्त गरेको छ । ११ बटा विभिन्न विभागहरु गठन समेत गरेको छ । जसमा प्रचार विभाग अशिम कोइराला, ,प्रेम प्रकाश शाही, उप प्रमुख, संगठन विभाग, बालगोपाल उपाध्याय प्रमुख, कृष्ण सापकोटा उप प्रमुख, महिला विभाग (सिता थापा प्रमुख,युवा विभागमा भुवन पाण्डे,विशाल राना मगर लगायत रहेका छन् ।

गत अगष्ट २७ र २८ सिड्नीमा सम्पन्न पाचौ अधिवेशनको समिक्षा गर्दै उक्त बैठकले अधिवेशन भव्य र सभ्य रुपमा सम्पन्न भएको त्यसलाइ सफल बनाउन भुमिका खेल्नु हुने आयोजक तथा स्वयंसेवकहरुमा विशेष धन्यवाद तथा नेपालबाट आउनु भएका नेकपा एमाले विदेश विभाग प्रमुख राजन भट्टराई सहित सम्पुर्ण अतिथिहरुमा आभार व्यक्त गरेको छ ।