विराटनगर । मोरङको जहदा गाउँपालिका – ३ मा जीवन विकास गोल्ड कप नकआउट फुटबल प्रतियोगिता हुने भएको छ । लक्ष्मी युवा स्पोर्टीङ्ग क्लबको आयोजनामा असोज ८ देखि १५ गतेसम्म गोल्ड कप  हुने भएको हो । 

आयोजकले बिहीबार पत्रकार सम्मेलन गरी प्रतियोगिताको तयारी तीव्र भएको जानकारी गराएको छ । प्रतियोगितामा मोरङ जिल्लाको ८ वटा टिमको सहभागिता रहेको लक्ष्मी युवा स्पोर्टीङ्ग क्लबका अध्यक्ष श्रवण कुमार राजवंशीले जानकारी दिए । प्रतियोगितामा पशुपति युवा क्लब दादरवेरिया, हातिबन्धा युवा क्लब भाथिगछ, लाली गुराँस स्पोर्टिङ्ग क्लब रानी विराटनगर, रानी युवा क्लब मिल्स एरिया, लक्ष्मी युवा स्पोर्टिङ्ग क्लब जहदा ३, लक्ष्मिनिया युवा क्लब, महाराजी युवा क्लब वैरिया भिमपुर र स्मार्ट जहदा समाज जहदाको सहभागी रहेको छ । शनिवार हुने प्रतियोगिताको उद्घाटन खेलमा पशुपति युवा क्लब र हातिबन्धा युवा क्लबबिच प्रतिस्पर्धा हुनेछ । 

प्रतियोगिता सम्पन्न गर्न करिब पाँच लाख रुपैयाँ लाग्ने संयोजक तथा क्लबका सचिव उपेन्द्र राजवंशीले जानकारी दिए । विजेताले नगद ७५ हजार र उपविजेताले नगद ५१ हजार रुपैयाँ प्राप्त गर्नेछन् । प्रत्येक खेलको म्यान अफ द म्याच हुने खेलाडीले नगद १ हजार पाँच सय रुपैयाँ पाउनेछन् । 
प्रतियोगिताको मुख्य प्रायोजक जीवन विकासले गरेको छ । कार्यक्रममा बोल्दै जीवन विकासका अध्यक्ष योगेन्द्र मण्डलले खेलकुद र शिक्षाबाटबाट जीवन विकासको उत्पत्ति भएको जानकारी गराउँदै खेल क्षेत्रको विकास गर्ने उद्देश्यले मुख्य प्रयोजक भएर खेलकुद गराएको बताए । ‘खेलकुद क्षेत्रको विकासमा जीवन विकास लागि परेको छ,’ उनले भने, ‘यहाँबाट राष्ट्रिय खेलाडीहरू उत्पादन गर्न र यस क्षेत्रको समग्र विकासमा जीवन विकास लागि परेको छ । ’ 

प्रतियोगिताबारे जानकारी दिदै ।