नेपालमा कोरोनामुक्त हुने दर ८१ प्रतिशत
काठमाडौं, २२ कात्तिक-नेपालमा कोरोनामुक्त हुनेको दर ८१ प्रतिशत पुगेको छ । स्वास्थ्य तथा जनसंख्या मन्त्रालयका अनुसार हालसम्म एक लाख ५५ हजार १ सय १४ कोरोनामुक्त भएका छन् । पछिल्लो २४ घन्टामा दुई हजार २ सय...
विराटनगर, १६ वैशाख-प्रदेश १ सरकारले काेरोना रोकथाम, नियन्त्रण र उपचारका लागि स्थापना गरेको कोरोना जनसुरक्षा कोषमा मनमोहन स्मृति पोलिटेक्निक इन्स्टिच्युटले १ लाख २० हजार रुपैयाँ योगदान गरेको छ ।
मोरङको बूढीगंगा गाउँपालिका–४ स्थित पोलिटेक्निक इन्स्टीच्युटले शिक्षक तथा कर्मचारीहरूबाट प्राप्त रकम प्रदेश सरकारलाई हस्तान्तरण गरेको हो ।
उक्त रकम बराबरको चेक मंगलबार पोलिटेक्निकका प्राचार्य डा. शुभाषश्री पोखरेल र मनमोहन स्मृति प्रतिष्ठानका सदस्य सत्यनारायण चौधरीले प्रदेश १ का मुख्यमन्त्री शेरधन राईलाई हस्तान्तरण गरे ।
पोलिटेक्निकले मोरङकै बूढीगंगा गाउँपालिका र सुनसरीको दुहवी नगरपालिकालाई राहत सामाग्रीसमेत हस्तान्तरण गरेको छ । पोलिटेक्निकले दुवै स्थानीय तहलाई २५ केजीको ५०/५० बोरा चामल हस्तान्तरण गरेको हो ।
पोलिटेक्निकमा ३ महिने सिलाई/कटाई तालिम लिएका प्रशिक्षार्थीहरूले बनाएको १ हजार थान मास्कसमेत वितरण गर्न लागिएको प्राचार्य डा. पोखरेलले जानकारी दिए ।
