विराटनगर । विराटनगरको व्यस्त सेन्टर बजारमा हार्स ब्रान्डको आधिकारिक पसल सोमबार औपचारिक रूपमा संचालनमा आएको छ। पूर्वी नेपालमा काठमाडौँबाहिर पहिलो पटक स्थापित यस शोरुमले सहरको फेशन उद्योगमा नयाँ आयाम थपेको छ।
सेन्टर बजारको पहिलो तल्लामा अवस्थित यस पसलको उद्घाटन पसलका संचालकद्वय अमित अग्रवाल र राकेश जैनले संयुक्त रूपमा रिबन काटेर गरे। विशेष समारोहका बीच उद्घाटन गरिएको यस आधिकारिक शोरुममा हार्स ब्रान्डका सम्पूर्ण उत्पादनहरू उपलब्ध हुने जानकारी दिइएको छ।
पसलका संचालक अमित अग्रवालका अनुसार हार्स ब्रान्ड नेपालमा विगत ६ वर्षदेखि संचालनमा आएको छ। ‘काठमाडौँबाहिर पूर्वी नेपालमा पहिलो पटक हार्स ब्रान्डको आधिकारिक शोरुम खोल्न पाउँदा हामी अत्यन्तै हर्षित छौं,’ अग्रवालले भने । उनका अनुसार यस पसलमा गुणस्तर र विविधतामा कुनै सम्झौता गरिएको छैन।
४० लाख रुपैयाँको लगानीमा स्थापित यस पसलमा क्याजुअल, फर्मल र जिन्स वेयर लगायत हार्स ब्रान्डका सम्पूर्ण फेशन उत्पादनहरू उपलब्ध छन्। युवा, बालबालिका देखि प्रौढ उमेरका व्यक्तिहरूका लागि समेत उपयुक्त कपडाहरू यहाँ पाउन सकिने छ।
विराटनगर क्षेत्रका फेशन प्रेमीहरूका लागि विशेष अवसर प्रदान गर्दै पसल उद्घाटनको अवसरमा एक हप्तासम्म सबै उत्पादनहरूमा १० प्रतिशत छुटको व्यवस्था गरिएको छ। यसले स्थानीय ग्राहकहरूलाई उच्च गुणस्तरीय ब्रान्डको अनुभव गर्न थप प्रोत्साहन गर्ने अपेक्षा गरिएको छ।
हार्स ब्रान्ड नेपालमा आफ्नो गुणस्तरीय उत्पादन र समयानुकूल डिजाइनका लागि परिचित छ। विराटनगरमा यसको शाखा विस्तारले स्थानीय व्यापार र फेशन उद्योगमा सकारात्मक प्रभाव पार्ने अपेक्षा गरिएको छ। यस अगावै काठमाडौँमा मात्र सीमित रहेको यस ब्रान्डको पहुँच अब पूर्वी नेपालका बासिन्दाहरूका लागि सहज भएको छ।
सेन्टर बजारमा अवस्थित यस नयाँ शोरुमले नेपाली फेशन उद्योगमा प्रतिस्पर्धात्मक वातावरण सिर्जना गर्नुका साथै स्थानीय अर्थतन्त्रमा समेत योगदान पुर्‍याउने विश्वास व्यक्त गरिएको छ। अन्तर्राष्ट्रिय मापदण्ड अनुरूपको सेवा र सुविधा सहितको यस पसलले विराटनगरलाई फेशन हबको रूपमा विकसित गर्न सहयोग पुग्ने आशा गरिएको छ।