विराटनगर । तेली कल्याण समाज मोरङ्गले महिलाहरुलाई सम्मान गर्ने भएको छ । जिल्ला कार्य समितिको केही दिन बसेको बैठकले तेली सामुदायमा विशेष योगदान पुर्याउने महिलाहरुलाई सम्मान गर्ने निर्णाय गरेको हो ।
तेली समुदायको विशेष योगदान पुरÞ्याएका महिलाहरुलाई यहि चैत्र मसान्त सम्ममा सम्मान गर्ने निर्णय गरेको तेली कल्याण समाज मोरङका अध्यक्ष डा. बालकृष्ण साहले जानकारी दिए ।
‘ महिलाहरुलाई सम्मानको लागि जिल्ला कार्यसमितिले स्थानिय तहको क्षेत्रमा सफल महिलाहरुको यसै पत्र साथ संलग्न आवेदन फारममा माग गरे अनुसारको पुर्ण विवरण सहितको फारम यहि चैत्र २५ गते भित्रमा अनिवार्य रुपमा जिल्ला कार्यसमितिको आधिकारिक ईमेल वा सम्मान समितिलाई उपलब्ध गराउन पत्रचार पनि गरिएको छ,’ डा.साहले भने ।
समाजले स्वास्थ्य क्षेत्रमा महिला चिकित्सक, नर्सिङ्ग, ल्याव, फार्मेसी, जनस्वास्थ्य सेवा, स्वास्थ्यकर्मिहरुलाइ सम्मान गर्ने भएको छ । त्यसैगरी ईन्जिनियरिङ्ग, पशु सेवा महिला, शिक्षण सेवा, समाज सेवा महिला, महिला कानुन व्यवसायी, महिला सफल किसान, महिला सफल व्यापारी महिला सफल उद्योगी, महिला ज्येष्ठ नागरिक, एकल महिला, नापी सेवाका महिलालाई सम्मान गर्ने भएको छ ।