काठमाडौं, ३ वैशाख-राष्ट्रिय परीक्षा बोर्डले विद्यार्थीहरूलाई आउजाउ गर्न सहज हुनेगरी कक्षा १०,११ र १२ को परीक्षा गर्ने विषयमा छलफल सुरू गरेको छ । बोर्डले शिक्षा विकास तथा समन्वय इकाइलाई थप परीक्षा केन्द्र कति चाहिने हो, त्यो विवरण ३ दिनभित्र उपलब्ध गराउन भनेको छ ।

‘विभिन्न विकल्पमा छलफल चलिरहेको छ’, बोर्डका एक सदस्यले भने, ‘नजिकका स्कुलमा परीक्षा गर्न सकिन्छ वा सकिँदैन भनेर हेरिएको हो । तर, सरकारले नभनेसम्म हुँदैन ।’

लकडाउन पूर्ण रूपमा नखुलेसम्म परीक्षा गर्न नसकिने ती सदस्यले बताए । ‘अहिले कतिपय विद्यालयलाई क्वारेन्टाइनका रूपमा परिणत गरिएको छ । क्वारेन्टाइन नहटेसम्म परीक्षा हुँदैन’, उनले भने ।