विराटनगर । नेपाल औषधी व्यवसायी संघ (एनसीडिए) मोरङ शाखाले जनचेतना मुलक कार्यक्रम आयोजना गरेको छ । संघको भवनमा शुक्रबार अर्गानिक वस्तुको स्वास्थ्य सम्बन्धी जनचेतना मुलक कार्यक्रम आयोजना गरेको हो ।

स्थानीय स्तरमा उत्पादन भएको अर्गानिक वस्तुले स्वास्थ्यमा पुर्याउने उपचारको बारेमा जानकारी दिने उद्देश्यले एक दिने सचेतना मुलक कार्यक्रम गरिएको संघका अध्यक्ष देशबन्धु ढकालले जानकारी दिए । कार्यक्रममा विभिन्न क्षेत्रमा तीन दर्जन बढीको सहभागिता रहेको थियो । कार्यक्रममा औषधी व्यवसायी, सौन्दर्यकर्मी, स्वयमसेविका, संचारकर्मीलगायतको उपस्थिती रहेको थियो । कार्यक्रममा सहजिकरण युटर्न अभियानका संघर्ष गुरुङले गरेका थिए ।

औषधी व्यवसायी संघले सचेतना मुलक कार्यक्रमसँगै औषधी क्षेत्रमा देखा परेको बिकृतीहरु अन्त्य गरी स्वच्छ र मर्यादित व्यापार व्यवसाय गर्नको लागि विभिन्न ठाउँहरुमा व्यवसायी र सरोकारवालाहरुसँग अन्र्तक्रिया कार्यक्रम पनि गर्दै आएको अध्यक्ष ढकालले जानकारी दिए । केही दिन अगाडी रंगेलीमा कार्यक्रम आयोजना गरिएको थियो ।