आरआरमा नेविसंघ र अखिलबीच झडप - News Birat

आरआरमा नेविसंघ र अखिलबीच झडप

न्यूज विराट

काठमाडौं, फागुन ५–प्रदर्शनीमार्ग्स्थित रत्न राज्यलक्ष्मी (आरआर) क्याम्पसमा सोमबार बिहान अनेरास्ववीयू र नेपाल विद्यार्थी संघका विद्यार्थीबीच झडप भएको छ । झडपमा परेर नेविसंघका आविश्कार पौडेल, कुशल बस्नेत र सुमन खड्का घाईतेको भएको नेविसंघ महामन्त्री दिपक भट्टराईले जानकारी दिए । पहिले २ समूहबीच झडप भएको केही समयपछि अनेरास्ववियूले कलेज बाहिरबाट गुण्डा ल्याएर आक्रमण गरेको भट्टराईले जनाए ।

झडपपछि प्रहरीले नेपाल विद्यार्थी संघका पुस्कर बास्तोला, सन्जिव ढकाल, सुनिल शर्मा, रामजी बस्नेत, उमेश गुरुङ, विकु खड्कालाई गिरफ्तार गरेको छ । सम्भावित झडपलाई लिएर प्रदर्शनीमार्गमा ठूलो मात्रामा सुरक्षाकर्मी तैनाथ गरिएको छ । गिरफ्तार गरिएका विद्यार्थीलाई नछोडे आन्दोलन गर्ने महामन्त्री दिपक भट्टराईले जानकारी दिए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles