विराटनगर । संस्थागत विद्यालय बचत तथा ऋण सहकारी संस्था लि. मोरङ (एसबीएससी) को शेयर पूँजी झण्डै २७ लाख रुपैयाँ पुगेको छ ।
सहकारीको विराटनगरमा बुधबार भएको १४ औं वार्षिक साधरणसभामा आर्थिक वर्षमा २०८०÷०८१ म २६ लाख ९९ हजार रुपैयाँ शेयर पूँजी पुगेको अध्यक्ष नगेन्द्र प्रसाद ढकालले जानकारी गराएका हुन् ।
अध्यक्ष ढकालका अनुसार सहकारीको बचत निक्षेप १ करोड ६७ लाख ५३ हजार ८४२ रुपैयाँ, कोष हिसाब ११ लाख ८८ हजार २१ रुपैयाँ पुगेको छ । त्यसैगरी सहकारीले धितो जमानी कर्जामा ८ लाख ८१ हजार १५५ रुपैयाँ, बचत तथा शेयर अनुपातको कर्जा २ करोड ४९ लाख ६८ हजार ८३ रुपैयाँ गरि जम्मा आर्थिक वर्ष २०८०÷०८१ मा २ करोड ५७ लाख ८८ हजार ३८ रुपैयाँ ऋण लगानी गरेको छ ।
सहकारीले ऋण असुली १ करोड १२ लाख २९ हजार रुपैयाँ गरेको छ । निजी विद्यालयहरु आवद्ध रहेको सहकारीले प्रत्येक वर्ष एसबीएससी सिंगीन स्टार र एसबीएससी चित्रकला प्रतियोगिता गर्दै आएको छ ।
साधरणसभाका प्याब्सनको केन्द्रीय प्रागिक समितिका सल्लाहकार . उद्धव पोखरेल, प्याब्सन मोरङका अध्यक्ष प्रेमलाल सिंह सुवाल, विराटनगर अध्यक्ष अर्जुन श्रेष्ठ, एसबीएसी मोरङका पूर्व अध्यक्षहरु इन्द्र राई, विष्णु डंगोल, मोहन बुढाथोकीलगायतको उपस्थिती रहेको थियो ।
२०६७ सालमा स्थापना भएको सहकारी एकता, सहकार्य र समझदारी, निजी स्कुलहरुको साझा चौतारी भन्ने मुल नाराका साथका साथ स्थापना भएको सहकारी हो ।